Afganistan- 30 serbaz hatin kuştin

Afganistan- 30 serbaz hatin kuştin

.

A+A-

Ajansa nûçeyan ya Reutersê ragihand ku di peqîneke li Kabul ya paytexta Afganistanê de bi kêmî ve 30 karbidestên ewlekarîyê hatine kuştin.

Peqîna bi maşîneya bombebarkirî li Gaznî çêbû ku ew der yek ji navendên Kabul e.

Berpirsên saxlemîyê dîyar dikin temamê 30 kuştîyan karbidestên ewlekarîyê ne û 24 birîndarên din jî hene.

Li gor karbidestên herêmî, armanca peqînê hêzên parastina gel bûne ku ew girêdayî karbidestên ewlekarî yên Afgan in.

Wezareta Navxweyî ya Afganistanê jî piştrast kir ku peqîn bi maşîneya bombebarkirî çêbûye, lê ser armanca peqînê û hejmara kuştî û birîndaran ti agahî neda.

Berpirsîya êrîşê hîn ti rêxistinan negirtiye ser xwe. Reutersê dîyar kir ku wan bi Talîbanê re peywendî danîye û wê rêxistinê ne berpirsîya êrîşê girtîye ser xwe ne jî red kiriye.

 

Ev nûçe 192 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin