• Diyarbakır 7 °C
  • Batman 6 °C
  • Hakkari 2 °C
  • Şırnak 5 °C
  • Ağrı -3 °C

"22yê Nîsanî Roja Rojnamegereya Kurdî Pîroz Bo"

"22yê Nîsanî Roja Rojnamegereya Kurdî Pîroz Bo"
Rojnameya siftî a bi kurdî, Kurdistan, 22yê nîsana 1898an di Qahîre di kişta lajê (lacê) Mîr Bedirxanî, Miqdat Mîdhet Bedirxan ra amê vetiş.

Rojnameya siftî a bi kurdî, Kurdistan, 22yê nîsana 1898an di Qahîre di kişta lajê (lacê) Mîr Bedirxanî, Miqdat Mîdhet Bedirxan ra amê vetiş. Weciyayêşê na rojname ra 75 serran ra tepiya serra 1973in di başûrê Kurdistanî di 22yê nîsanî ze roja rojnamegereya kurdî ame qebûlkerden û a roj ra teiya her ser nar oj yena pîrozkerdiş.

Pêsero 31 homarê (amorî) Rojnameya Kurdistanî vejiyay. Mîqdat Mîdhet Bedirxanî 5 homarê sifteyinî vetî, labrê sedemê zordareya dewleta Osmanî ey nêşa dewam kero, cora jî birayê ci Ebdurehman Bedirxanî dest bi vetişê Rojnameya Kurdistan kerd. Ebdurehman Bedirxanî sedemê zilmê dewleta Osmanî ver Qahîre ra tepiya Swîsre û Îngilîstan di vetişê rojname dewam kerd. Pêsero 31 homarê Rojnameya Kurdistan vejiyay (homar 1, 1898- homar 31, 1902).

Tarîxê rojnamegereya kurdî qismê hero muhîm ê miletê kurd ê seserra ma ya. Bi vetişê do bîn, vejiyayişê rojnamegereya kurdî, destpakerdişê qonaxê ayabiyayiş û micadeleyê xuawakerdena millî a modern ê miletê kurd a. Bi vejiyayişê rojnameyanê kurdî bîr û bawerey, zanayiş û kulturê rewşenbîrey ê newe ê hîmê neteweyî (millî) ê modernî dest pakerd.

Çend serrî vejiyayişê rojnemeya siftî a kurdî (Kurdistan 1898) ra pey, organizasyonê netewî ê siftî (Kurdistan Azmî Qewî Cemîyetî- 1900) jî awa bî. A roj ra pey micadeleyo bi organize û rojnamegrey a miletê kurd heta ewro ame û ewro jî bi awayê (şeklê) neteweparêzey (miletperwerey) dewam keno.

A roja ki rojnameya Kurdistan vejiya û heta ewro bi hezarana (çi legal û çi jî îllegal) kovar û rojnameyê kurda vejiyayê. Labrê dewletanê kolonyalîst her tim qarşidê nê kovar û rojnameyan û mesûlanê ci û nuştoxanê ci di biyê asteng û zilm û zorê do gird bi înan kerdo. No zilmo ki bi mesûl, nuştox û wendoxanê rojnameya Kurdistanî dest pa kerd bi, heta ew ro jî dewam keno. Xeylê rojnamevanê kurdî heme çehar parçeyanê Kurdistanî di ameye hepiskerdiş û kiştiş, serranê 1990 di vakurê Kurdistanî di rojnamevanê zey Mûsa Anter, Huseyin Deniz, Medet Serhat, Hafiz Akdemir û xeylê bînî kişta dewleta tirk ra ameyê kiştiş.
Hetani ewro zi, rojnamegerê Kurd nêeşkenê erkê xo bi awayêkê azad bîyarê ca. Weşanê înan yenê qedexekerdiş û rayîr ro azadîya înan yeno girewtiş. Şerê ke Bakurê Kurdîstanî de dewam keno, yê nê şerî de benê hedefê verênî. Hetê dewleta dagirkere ya Kurdîstanî ra yenê zîndankerdîş û yenê qetilkerdiş. 

Cora jî rojnamegereya kurdî kiştê ra jî lîlikê micadele, trajedî û halê ronakbîrey û ciwatê kurdî ê wextê ayabiyayişê neteweyî yê.

Bi minasebeta ma heme rojnamevanê kurd ê k ina ray di şehîd biyê xovîrî anê û vanê wa roja rojnamegreya kurdî pîroz bo! 22.04.2016

Buroyê Çapkerdiş û înformasyonî ê Partîya Azadîya Kurdistanî(PAK)

 

Ev nûçe 727 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din