Navenda Nûçeyan - Endama rêveberîya Rojavayê Kurdistanê, Hedîye Yûsif ji malpereka nêzîkî PYDê re gotîye, dewleta Tirk hewl dide Koronavîrusê derbasî Rojavayê Kurdistanê bike û gotîye: "Agahî di destê me de hene dibêjin ku dewleta Tirk kesên ku guman tê kirin bi vîrusa Koronayê ketibin, derbasî Efrîn, Girê Spî û Serêkanîyê dike!”
Hedîya Yûsif her wiha gotîye ku dewleta Tirk wê nexweşîyê mina çekekê li dijî gelê kurd bikar tîne û bi vî rengî qanûnên mafên mirovan binpê dike, ev jî wan ditirsîne.
Wê berpirsa kurd ya Rojavayê Kurdistanê daye zanîn ku zêdebarî hebûna metirsîya Koronayê lê êrişên Tirkîyê li dijî Rojavayê Kurdistanê didomin.
Hedîye Yûsif, bêdengîya civaka navdewletî ya li hemberî êrişên Tirkîyê jî rexne kirîye û gotîye ku bi berdewambûna bêdengîyê dê êrişên Tirkîyê li dijî kurdên Sûrîyê bidomin.