NAVENDA NÛÇEYAN - Nûnerê berê yê kurdên şebek li encûmena nûnerên Iraqê Salim Şebek ji BasNewsê re ragehand: ‘’1500 malbatên kurdên şebek li sînorê herêma Kurdistanê û bi taybet li her du parêzgehên Duhokê û Hewlêrê koçberin û milîsên lîwaya 30 ya heşdî şeibî rê nadin wan vegerin ser erdên xwe yên Deşta Nînowa.’’
Herwaha got: ‘’Me karê cîdî kirîye di vê derbarê de ku milîsên lîwaya 30 ên heşdî şeibî vekêşin ji deşta Nînowa, ku xelk bi rihetî jîyan bike. Herwaha koçber jî bikarin vegerin ser erdê xwe. Lê ji ber belavbûna vîrusa korona naha karên me rawestane û piştî nemana qedexeya hatûçûnê karên me destpê dikin û xelk li wî sînorî baca kurdbûnê didin. Ji ber wê jî pêwîste çareserîyek bo rewşa xirab bê danîn.’’