Navenda Nûçeyan - Wezîrê Tendirustîyê yê Tirkîyê Fehrettin Koca amarên 24 demjimêrên bûrî yên pêketin û mirina bi vîrusa Koronaya Nû COVID-19 ragihandin.
Koca ragihand di 24 demjimêrên bûrî de 97 kesên din canê xwe ji dest dan û 4 hezar û 789 kesên din jî bi koronayê ketin.
Bi vî şêweyî li Tirkîyê û Bakurê Kurdistanê hêjmara kesên bi koronayê canê xwe ji dest dane gihişt hezar û 198 kesan, yên bi koronayê ketine gihiştîye 56 hezar û 956 kesan, yên baş jî bûne gihiştîye 2 hezar û 96 kesan.
Di pêvajoya bergirîyên li hember Koronayê de ye, qedexeya çûnûhatinê bo heyama 48 demjimêran li 31 bajarên Tirkîye û Bakurê Kurdistanê de hatibû ragihandin, nîva şeva bûrî jî bidawî bûbû.