Navenda Nûçeyan - Di daxuyanîyekê de ku ji alîyê Qeymeqamîya Hezoyê ve hatîye belavkirin, amaje bi wê yekê hatîye dayîn ku bi armanca rêgirtin li belavbûna vîrûsa koronayê û parastina welatîyan, gundê Qeyter (Konakli), 3 mezra û 2 avahî li navçeyên Tepecîk û Yamaçli hatine kerentînekirin.
Di daxuyanîyê de tê gotin ku çûn û hatina gund hatîye rawestandin û hemû tedbîrên pêwîst hatine wergirtin.
Li gor amarên 14ê Nîsanê yên Wezareta Tendirûstî ya Tirkîyê, heta niha li wî welatî hejmara kesên bi koronayê canê xwe ji dest dane gihiştîye 1403 kesan û 65 hezar û 111 kes jî bi vîrusa koronayê ketine.