Li Meletî 3 tax û li Êlihê gundek hatin kerentînekirin

Li Meletî 3 tax û li Êlihê gundek hatin kerentînekirin

Li parêzgeha Meletî ya Bakurê Kurdistanê ji ber belavbûna vîrûsa koronayê 3 tax hatin kerentînekirin. Herwiha li navçeya Sason a Êlihê gundek hat kerentînekirin.

A+A-

Navenda Nûçeyan - Roja Sêşemê, 3 taxên bajarokên Darende, Hekîmxan û Erepgîr ji ber belavbûna vîrûsa koronayê hatin kerentînekirin û çûn û hatina bo wan her 3 taxan hat qedexekirin.

Roja Yekşema derbasbûyî çend kes ji derveyî welat vegerîyan Meletîyê û bi mêvanî çûne malên kes û karên xwe yên li wan hersê taxan.

Piştî demekê ji ber bilindbûna pileya germaya laşê wan 5 kes bo nexweşxaneyê hatin veguhestin.

Piştî ku derket encama testa wan pozîtîv e, ew hersê taxên ku serdana wan kiribûn hatin kerentînekirin. Cendirmeyan rêyên wan taxan kontrol kirine û heta 14 rojan rê nadin çûn û hatina kesî.

Herwiha her îro Qewmiqamîya Sasonê ragihand ku ji ber metirsîya belavbûna koronayê gundê Tizî hate kerentînekirin.

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin