ŞAM - Rojnamegerên Kurd hatin berdan

ŞAM - Rojnamegerên Kurd hatin berdan

.

A+A-

Rojnamegerên Kurd Ekrem Salih û Cûdî Hec Elî ku li Şama paytexta Sûriyeyê hatibû desteserkirin, hatin berdan.

Rojnameger Ekrem Salih û wêngirê wî Cûdî Hec Elî dema bûyerên li Taxa Sehnayeyê ya Şamê dişopandin pêwendî bi wan re qut bûbû û çarenivîsa wan ne diyar bû.

Paşê hat zanîn ku her du rojnamegerên Kurd ji aliyên hêzên asayişê yên Şamê ve hatine desteserkirin.

Tora Rojnamegerên Kurd ên Sûriyeyê ji wezaretên Ragihandin û Karên Navxwe yên Sûriyeyê û aliyên pêwendîdar xwest ku ji bo dîtina her du rojnamegeran zû kar were kirin.

Birêvebirê Ofîsa Têkiliyan a Wezareta Ragihandinê ya Sûriyeyê Mihemed Elî Elrîfaî derbarê rojnamegerên Kurd daxuyanî da.

Mihemed Elî Elrîfaî da zanîn ku Ekrem Salih û wêngirê wî Cûdî Hec Elî hatin berdan.

Her wiha li gorî agahiyan hêzên ewlehiyê dest daniye ser kamera û kel û pelên wan ên din.

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin