Hat ragihandin ku leşkerên Tirk îşkenceyên giran li 2 zarok û xortekî 18 salî yên ji gundewarê bajarê Amûdê kirin, dema ku dixwestin sînor derbas bikin.

Li gorî ragihandina çavkaniyên xwecihî û belavkirina dîmenên li ser medya civakî, îro 23yê Hezîranê danê sibê du zarokên temen 16 salî û xortekî 18 salî li ser sînorê navbera Bakurê Kurdistanê û Rojavayê Kurdistanê yên hewl dan sînor derbas bikin, ji aliyê cendermeyên Tirk ve hatin girtin.

Hat ragihandin ku ew zarokên hatin girtin, ji aliyê leşkerên Tirk ve rastî îşkenceyeke giran û hovane hatin.

Navên her du zarokên 16 salî Dilyar Mecîd Silêman û Malik Xedban e û navê xortê 18 salî jî Dildar Mecîd Silêman e.

Hat zanîn ew zarok ji gundê Sinceqa Se'dûn ê ser bajarê Amûdê yê Rojavayê Kurdistanê ne.