Serokê Meclîsa Ewropayê ya PWKyê Merd Baran Boskan, endamê Meclîsa Partîyê ya PWKyê Ferhat Boskan û berpirsê Belçîkayê yê PWKyê Ahmet Alan, roja 01.03.2026ê li bajarê Ratîngenê yê Almanyayê, beşdarî civîna bibîranîna Mele Mistefa Barzanî yê nemir bûn. Serokê Meclîsa Ewropayê  Merd Baran Boskan li ser navê PWKyê peyamek  radestî PDKyê kir.

Peyama PWKyê li xwarê ye.

………………………
Ji Liqê 6ê ya Partîya Demokrat a Kurdistanê re
Rêzdaran,

Em ji bo vexwandina we ya bibîranîna 47 salîya koça dawî ya Serokê Neteweya Kurd Mistefa Barzanî sipasîyên xwe pêşkêş dikin.
Di dîroka tevgera rizgarîxazîya neteweyî ya Kurdistanê de cih û rola xebat û têkoşîna Serokê Neteweyî yê miletê Kurd Mistefa Barzanî gelekî girîng û taybetî ye. Tevayîya jiyana Serokê Neteweyî Mistefa Barzanî ji bo doza neteweyî ya miletê Kurd û Kurdistanê derbasbûye. Loma jî jiyana Mele Mistefa Barzanî, di heman demê de beşekî esasî ya dîrokê nêzîk ya doza miletê Kurd û Kurdistanê ye.
Alaya pêşewa Qazî Mihemed ku di sala 1946an de teslîmî rêberê neteweyî Mele Mistefa Barzanî kiribû, îro bi şanazî û serbilindîya hemû kurdan li ser banê Meclîsa Herêma Başûrê Kurdistanê, dezgehên fermî yên Kurdistanê û banên kurdan pêl dide.
Ev destkeftîyên ku îro yên li Başûrê Kurdistanê hatine bi destxistin, bêgûman encamê xebat û têkoşînek dûr û dirêj ya rizgarîwazîya neteweyî ya di rêveberîya Serokê Neteweyî Mistefa Barzanî û canbêzarîya pêşmergeyên qahraman e.
Kurdên niştimanperwer yên her çar perçeyên Kurdistanê wê tucarî vê ked, xebat û têkoşîna Serokê Neteweyî Mele Mistefa Barzanî û pêşmergeyên qahreman ji bîr nekin û wê vê alaya xebat û têkoşîna wan li her çar perçeyên Kurdistanê bilindtir û geştir bikin. Rê, rêbaz, xebat û têkoşîna wan dê pêşîya xebat û têkoşîna rizgarîxwazîya neteweyî rohnî bike.
Bi vê munasebetê, em carek din Serokê Neteweyî Mele Mistefa Barzanî û pakrewanên Kurdistanê bi rêzdarî bi bîr tînin. Ew dê her di nav xebat û têkoşîna rizgarîxwazîya neteweyî ya ji bo weletekî serbixwe, miletekî azad û civateke demokratîk de bijîn.
Ruhê Serokê Neteweyî Mele Mistefa Barzanî û hemû pakrewanên Kurdistanê şad be! Bijî Miletê Kurd û bijî Kurdistan.
Bi rêz û silavên me

01-03-2026

Merd Baran Boskan
Partîya Welatparêzên Kurdistanê PWK Nûnertîya Ewropayê