Partîya Welatparêzên Kurdistanê (PWK) roja 30.08.2026ê, li ber şaredarîya Amedê, bi awayekî girseyî bi Alayên Kurdistanê beşdarî merasîma cenazeye welatperwerê kurd Mehdî Zana bû.

Serokê Giştî yê PWKyê Mustafa Ozçelîk û delgeyên 2yemîn Kongreya PWKyê li gel mêvanên ku beşdarî kongreyê bûne, ji hola kongreyê heta ber Şaredarîya Amedê meşîyan û beşdarî merasîmê bûn.

Mustafa Ozçelîk sersaxî ji hevjîna Mehdî Zana, Leyla Zanayê û ji xuşka Mehdî Zana, Nedret Xanimê re xwest.

Cîhgirê Serokê Giştî yê PWKyê Mehmet Can Azbay, wek hevalekî Mehdî Zana yê di Zîndana 5 Nolû ya Amedê de, li ser xebat û têkoşîna Mehdî Zana ya di dema Serokatîya Şaredarîya Bajarê Amedê û berxwedana wî ya li gel şehîdên di 5 Nolûyê de axaftinek kir.

Hevseroka Şaredarîya Amedê Serra Bûcak, Hevserokê DBPyê Keskîn Bayindir û hevalekî mehdî Zana yê Hevsa 5 Nolûyê jî di derbarê jîyan û berxwedana Mehdî Zana de axaftin.

Piştî merasîma li ber Şaredarîya Amedê, li Mizgefta Mezin nimêja cenazeye hate kirin û cenazeyê Mehdî Zana di Goristana Yenîkoyê de hate veşartin.

Buroya Ragehandinê ya Partîya Welatparêzên Kurdistanê (PWK)