Daxuyaniya Hevbeş a Civîna partî û aliyên siyasî yên Kurdistanê li Pîrmamê bi dawî bû.

43 partî rêxistin û alî tevlî civînê bûn. Piştî civînê daxuyaniyeke hevbeş hat belavkirin.

Di daxuyaniyê de wiha hatiye gotin, "Em gotûbêj û danûstandinan ji bo vê qonaxê wekî çareseriya herî baş dibînin."

Deqa daxuyaniya partiyên siyasî wisa ye:

“Di dîroka 31.05.2025an de li Mekteba Siyasî ya Partiya Demokrat a Kurdistanê li Pîrmamê, hêz û aliyên siyasî yên Kurdistanî civîneke hevbeş pêk anîn bi mebesta guftûgokirina rewşa siyasî ya Kurdistan û Îraqê û kêşe û pirsgirêkên navbera Herêma Kurdistanê û Hikûmeta Federal, bi taybetî biryara dawî ya ne destûrî û ne yasayî ya Wezareta Darayî ya Hikûmeta Federal û ragirtin û neşandina meaşê meaşgirên Herêma Kurdistanê, piştî giftûgokirin û danûstandinên pêwîst li ser vê babetê, hemû alî hevra bûn li ser wê yekê ku ev biryar, biryareke siyasî ye dijî îradeya gelê Kurdistanê û qewareya siyasî û yasayî ya Herêma Kurdistanê.

Li gorî destûra herdemî ya Îraqê û biryara Dadgeha Federal û yasaya fermanberan û mûçegirên Îraqê û peymanên navbera Hikûmeta Herêma Kurdistanê û Hikûmeta Federal, pêwîst e Hikûmeta Federal pabend be bi erk û îltîzamên xwe beramberî xelkê Herêma Kurdistanê û mafê meaşgirên Herêma Kurdistanê tevlî milmilanêyên siyasî neyê kirin, her wiha Hikûmeta Federal dûr bikeve ji siyaseta birçîkirin û zexta ser Herêma Kurdistanê, ji ber ku ev siyaset ji bilî kûrkirina pirsgrêkan, nedîde girtina guhertinên zêde û bilez yên herêmê ye jî ji bo berjewendiya ti aliyan de nabe.

Em wek hêz û aliyên siyasî yên pêkhateyên Kurdistanê, ji bo xweragiriya mûçexor, fermanber, Pêşmerge, mamosta û tevahiya gelê Kurdistanê spas û pêzanînên xwe diyar dikin. Em tekez dikin ku helwest, biryar û gavên me dê di xizmeta berjewendiyên hemwelatiyan û Herêma Kurdistanê de bin. Di vê qonaxê de, em diyalog û danûstandinan wekî rêya herî baş dibînin, lê belê ji bo berjewendiyên bilind ên Herêma Kurdistanê, hemû bijarde li ber destê me ne.

Partî û aliyên Kurdistanê yên tevlî ciînê bûne wisa ne:

１. Yekîtiya Niştimanî ya Kurdistanê

２. Tevgera Goran

３. Partiya Sosyalîst Demokrat a Kurdistanê

４. Tevgera Îslamî ya Kurdistanê

５. Hizbî Şûî ya Kurdistanê

６. Tevgera Peywenda Îslamî ya Kurdistanê

７. Hizba Zehmetkêşên Kurdistanê

８. Partiya Rencderên Kurdistanê

９. Partiya Parêzgarên Kurdistanê

１０. Yekîtiya Neteweyî Demokrat a Kurdistanê

１１. Tevgera Demokrat a Gelê Kurdistanê

１２. Partiya Neteweyî ya Kurdistanê

１３. Tevgera Rizgarî Demokratî Kurdistan

１４. Hizbî Pêşketinxwaz a Demokrat a Kurdistanê

１５. Partî Binyada Demokrat a Kurdistan

１６. Tevgera Aştîxwazî ya Kurdistanê

１７. Hevpeymaniya Niştimanî

１８. Hizba Rizgarî ya Kurdistanê Desteya Serokayetiyê

１９. Partiya Demokrat a Turkmen

２０. Partiya Niştimanî ya Turkmen

２１. Partiya Rizgarî Neteweyî Turkmen

２２. Partiya Yekgirtû ya Turkmen

２３. Partiya Turkmen a Bêalî

２４. Partiya Geşepêdanê ya Turkmen

２５. Partiya Çaksazî Turkmen

２６. Partiya Gel a Turkmenî ya Îraqê

２７. Berey Turkmenî

２８. Tevgera Demokrat a Turkmen

２９. Partiya Gezengê ya Turkmen

３０. Partiya Îradeya Niştimanî ya Turkmen

３１. Partiya Turkmen Îlî

３２. Lîsteya Mîlet

３3. Lîberakê Turkmen.

３４. Partiya Yekêtiya Demokrat a Kildanî

３５. Partiya Encûmena Neteweyî ya Kildanî

３６. Hizba Demokrat a Bêtnehrên

３７. Partiya Encûmena Milî Keldanî Siryanî Aşûrî

３８. Rewtî Şlama

３９. Partiya Tevgera Civaka Siryanî

４０. Komelaya Rewşenbîrî ya Ermen

４１. Desteya Kargêrî Birêveberiya Taifeya Ermen

４２. Rabîteya Kildanî Cîhanî

４３. Partiya Demokrat a Kurdistanê