Em ava kirina şandeya kurdî ya Rojavayê Kurdistanê pîroz dikin 

Şandeya kurdî ya Rojavayê Kurdistanê ya ku dê bibe mixetabê Rêvebirîya Şamê û nûneratîya gelê me yê  Rojavayê Kurdistanê bike, hate ragehandin.

Endamên şandeya kurdî ya ku dê bi Hikûmeta Sûriyeyê re dan û standinan bike ji Mihemed Îsmaîl, Perwîn Yûsif, Aldar Xelîl, Reyhan Loqo, Ehmed Silêman, Silêman Oso, Selah Derwêş, Nesredîn Îbrahîm û Feysel Yûsif pêk tê.
 
Ev ji bo hemû kurd û Kurdistanîyan cîhê dilxweşîyê ye.

Roja 26ê nîsana 2025ê li Qamişloyê bi beşdarîya hemû partîyên sîyasî û dezgehên sivil ên kurdan û kesayetên serbixwe yên kurd konferansek hatibû li dar xistin. Di vê konferansê de, li ser esasê daxwazên milî, demokratîk ên miletê kurd û statuyeke sîyasî,  rêbaz û bernameyeke sîyasî ya hevbeş hatibû pejirandin. 

Em di wê bawerîyê de ne ku, şandeya kurdî dê li ser rêbaz û bernameya sîyasî ya konferansê nûneratîya gelê me yê Rojavayê Kurdistanê bike.

Yekrêzîya di nav mala kurd de destpêka serkeftinê ye.

Dîyar kirina şandeya kurdî  gaveke pîroz û dîrokî ye.
 
Em ava kirina şandeya kurdî pîroz dikin û serkeftnê ji şandeyê re dixwazin.

Li gel rêz û silavên xwe. 

05.06.2025

Mustafa Ozçelîk 
Serokê Giştî yê  Partîya Welatparêzên Kurdistanê (PWK)