Nivîskar: Hallie Williams, Steve Bremen, Tucker Rails

15ê Çileya 2026an – Nûçeyên

CBSê

Tenê li çiyayên Kurdistana Iraqê, tenê 48 kîlometr dûrî sînorê Îranê, CBS News roja Pêncşemê serê sibê bi cengawerên partiyeke çekdar a opozîsyona Kurdên Îranê re hevdîtin kir - piraniya wan jin bûn, Partiyeke ku dibêje ew amade ye ku rûbirûyê desthilatdarên olî û tundrew ên Komara Îslamî bibe û alîkariya hilweşandina wan bike.

Hizba Demokrat a Kurdistana Îranê (PDKI) li nava Îranê de qedexe ye û li derveyî welêt, li seranserê sînor û li Kurdistana Iraqê xebata xwe dimeşîne. Ev hizb bi salan e ji bo roja ku bikaribe rejîma Îranê hilweşîne amadekariyan dike, Lêbelê, ji ber ku Serok Trump xuya dike ku bi gefên xwe yên destwerdana leşkerî ya Amerîkî ji bo qezenca xwepêşanderên Îranî paşve gav avêtiye, serokê partiya Kurdî ji CBS News re got ku dem hîn nehatiye.

Serok Trump roja Çarşemê got ku wî ji "çavkaniyên pêbawer" bihîstiye ku "kuştinên li Îranê radiwestin" û piştî serkutkirineke tund a ji bo bidawîkirina du hefteyên xwepêşandanên mezin li welêt "ti planeke darvekirinê" tune ye. Lêbelê, çavkaniyên li hundirê Îranê ji CBS News re gotin ku dibe ku serkutkeran ji 12,000 î zêdetir xelk kuştibin, Ev statîstîk egera vê pir zêdetir e.

Aloziyên li Îranê jî berdewam dikin, Xwepêşandanên ku weke berteka li hember krîza kûr a aborî dest pê kirin. Gotinên rêberê PDKI xuya dikin ku paşvekişandinek ji hişyariyên li ser destwerdana ne diyar a Amerîkayê ji bo parastina xwepêşanderan, û her weha gefa Trump a roja Sêşemê nîşan dide ku di rewşa darvekirina xwepêşanderan de "kiryarek pir bihêz" bide. Ev helwest egera heman peyama ji Washingtonê ye ku hêzên PDKÎ, ku li Iraqê perwerdehiyê dibînin, hêvî dikirin.

"Fermander Seyran Gergûlî ji CBS re van xwepêşandanan hêvî da me ku rejîma tepeserker a ku bi Şoreşa Îslamî ya 1979an a Zayînî (1357an a Rojî) hat ser desthilatdariyê dê di dawiyê de hilweşe; Lê ev tenê dikare were kirin ger xelkê ku li kolanan xwepêşandan dikin alîkariya navneteweyî bistînin."

Mistefa Hicrî, Rêberê Hizba Demokrat a Kurdistana Îranê (PDK), zêdetirî çar dehsalan e li derveyî welêt dijî û şahidê serkutkirina çend pêlên mezin ên xwepêşandanan ji aliyê desthilatdarên Îranê ve bûye. Her çend xuya bû ku xwepêşandanên dawî jî heman çarenivîsê bibînin jî, wî got ku ew nikare bi tekezî bibêje ka ev serhildan dê aliyekê bixe an na. Li gorî wî:

Ev mijar vedigere bo vê ku, ka gelo kuştinên girseyî dê berdewam bikin an na. Ger berdewam bike, bê guman xwepêşander dê nikaribin berdewam bikin. Ji aliyeke din ve, senaryoyên din jî hene; Di nav wan de Dewletên Yekbûyî yên Amerîkayê bi rejîma melayan re danûstandinan dike û wan neçar dike ku mercên wan qebûl bikin. Di rewşek wisa de, rejîm dikare demek dirêj temenê xwe bidomîne.

Hîcrî her wiha got ku ew ji destwerdana Dewletên Yekbûyî yên Amerîkayê hêvîdar e; Bi taybetî, êrîşên li dijî Îranê û "navendên hêzên tepeserker ên ku li kolanan guleyan li xwepêşanderan direşînin û her weha saziyên 'dadwerî' yên rejîmê bikin armanc; saziyên di xizmeta hikûmetê de. Em dixwazin şahidiya hilweşîna van saziyan bibin.

Wî got jî : Piraniya gelên Îranê ji vê rejîmê nerazî ne û li dijî wê derketine.”

Lêbelê, ji ber nebûna piştgiriyek wisa li derveyî welêt, Hicrî ji CBS News re got ku şandina hêzên Hizba Demokrat ji sînor bo aliyê din yê sînor - û gazîkirina bi hezaran kesên ku li gor gotina wî li hundirê welêt hene - dikare encamên berevajî û metirsîdar hebin.

"Ez difikirim ku di bin şert û mercên heyî de, vegera hêzên çekdar bo navxwey welat ne di berjewendiya xwepêşanderan de ye, ji ber ku ev kiryar ji bo rejîmê hincetek baş dide ku gel tepeser bike û qir bike. Ji ber vê yekê em hîn negihîştine dema dayîna biryarek wusa."

Lê gava ew roj were û em bigihîjin wê encamê ku vegera hêzên me yên Pêşmerge êdî nabe hincetek ji bo tepeserkirina bêtir a xwepêşanderan, wê demê dibe ku kiryarek wisa were kirin.

Hîcrî her wiha got ku PDKÎ dixwaze Kurd - ku nêzîkî 10 ji sedî ji nifûsa Îranê pêk tînin - û neteweyên din ên etnîkî bikaribin "di nav zagonek demokratîk de bijîn, bihêlin ku zarokên wan bi zimanê dayika xwe bixwînin, û vî mafî bi fermî nas bikin".

Wî tekez kir ku cengawerên wî  "perwerde dîtine û opozisyûn li cihê xwe amade ne; ji bo vê rojê amade ne ku hizb hewcehî bi wan hebe."

Lê belê, di rewşekê de ku xuya ye rêberên tundrew ên Îranê aliyê kêm di vê qonaxê de careke din ji dijwariyeke micid ya li dijî desthilatdariya xwe rizgar bûne, PDKÎ û bi mîlyonan Îranîyên ku hîn jî di nav welêt de ne, ji bilî li bendê bimînin, ti bijardeyek din nînin..

Çavkanî: Kurdistan Media