Serokwezîr Mesrûr Barzanî li ser pêngavên pêkanîna kabîneya nû ya Hikûmeta Herêma Kurdistanê amaje da ku, wan li ser kar û bernameyên hikûmeta nû li hev kiriye ku dê bibe bingeha berdewamiya kabîneya borî an jî hikûmeta niha ya Herêma Kurdistanê.

Niha danûstandin li ser hin postên hikûmetê ne, xasma jî di navbera Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) de, û ew hêvî dikin ku bigihîjin encamekê ku bi dilê hemiyan be û bi encamên hilbijartinan re lihevhatî be.