Mala Êzidiyan li dijî kiryarên PKKê û nehîştina dewama li saziyên hikûmî daxuyaniyek belav kir.

Mala Êzidiyan îro di daxuyaniyek de rexne li kiryarên dawîn ên Partiya Karkerên Kurdistanê girt û biryara wê ya nehiştina dewama karmendan li saziyên hikûmî ên Şingalê şermezar kir û ev kiryar wekî neyînî bi nav kir.

Serokê Mala Êzidiyan Qolo Evdo di daxuyaniyekê de rexne li biryara îdareya ser bi PKKê ve red kir û ragihand, “Em wek Mala Êzidiyan, biryara wê îdareyê red dikin ku xizmeta herêmê nake û aliyeke siyasî ya nerewa û neqanûnî derketiye û desthilatdariya wê di vê derbarê de tune ye.”

Di daxuyaniyê de hat gotin: “Em weke serok û endamên Mala Êzidiyan a li Şengalê ku nûnertiya cemaweriya pêkhateya Êzidî dike, em hemû bi qanûn û bi sîstema giştî ya dewletê re ne, ji bo parastina ewlekarî, aramî û aştiyê li welatê me yê birîndar, Iraqa mezin û bi taybetî Şingala wêrankirî.”

“Desteya Rêveberiya Xweser û Demokratîk a Şingalê” ya ser bi PKKê ve, îro biryara girtina dezgehên hikûmî û nehikûmî heta fermaneke din derxist, piştre jî li herêmê alozî derket.

Herwiha endamên Partîya Karkerên Kurdistanê molotof avêtin ser artêşa Îraqê û agir bi hummereke serbazî xist û leşkerek birîndar kir. Peyamnêrê me jî diyar kir ku di aloziyan de keçek jî birîndar bûye.

K24