i parêzgeha Îdlibê ya li bakurrojavayê Sûriyeyê otomobîleke tije cebilxane teqiya, 5 kes mirin û 5 kes jî birîndar bûn.

Li gorî agahiyan, teqîn li herêma Binîşê ya li rojhilatê Îdlibê çêbûye.

Sedema teqîna otomobîlê hîn bi zelalî nehatiye diyarkirin.

Agir bi du otomobîlên din ket

Ji ber bandora teqînê, agir bi du otomobîlên din ên li derdorê parkkirî bûn jî ket û bi temamî şewitîn.

Piştî bûyerê tîmên tenduristiyê û hêzên ewlehiyê çûn cihê teqînê.

Tîmên tenduristiyê birîndar birin nexweşxaneyên li herêmê û tên dermankirin.

Lêpirsîn didome

Rayedarên Sûriyeyê heta niha li ser vê teqînê ti daxuyaniyeke fermî nebelav kir.

Hat ragihandin ku lêpirsîna derbarê bûyerê de didome.