Li Rojavayê Kurdistanê xelk ji bo bidestxistina sotemeniyê bi saetan di rêzê de radiwestin.

Desteya Sotemeniyê ya Rêveberiya Xweser parvekirina sotemeniyê li ser benzînxaneyan %60 kêm kiriye, ev jî bûye sedema derketina krîzê li bajar û bajarokên Rojavayê Kurdistanê.

Xelk diyar dikin, ew neçar dibin ku 5 saetan rawestin ji bo 30 lître sotemenî bo otomobîla xwe bi dest bixin.

Ji ber krîza sotemeniyê, gelek caran li gundewarên Hesekê, Reqa û Dêrazorê xwepêşandan hatin lidarxistin. Xwepêşanderan rêyên sereke girtin û daxwaz ji Rêveberiya Xweser kirin ku pêwîstiya wan ji sotemeniyê peyda bike. Tevî sozên rêveberiyê ji bo çareserkirina krîzê, lê hîn jî rewş nehatiye guhertin.