Nasnameya zêdetir ji 52 hevwelatiyên Belûç ku li heyama 50 rojên derbasbûyî li girtîgehên rêjîmê de hatine bidarvekirin, hatine tomarkirin

Pêka rapora Kempêyna Mafê Mirovî li Belûçistanê, ji 19ê Xakelêwe heta 5ê Cozerdana îsal, zêdetir ji 52 girtiyên Belûç li girtîgehên rêjîmê li seranserê Îranê de hatine bidarvekirin, beşek ji wan bidarvekirinan, bi awayê nihênî anku bê agehdariya malbat û parêzerê wan û hevdîtina dawî digel malbatê bûne.

Herwisa li dosyeyên piraniya wan girtiyên bidarvekirî de xalên cihê şik û guman, nerohn û bê belge hene û nerohnî li şêwaza dadgehîkirin, şêwaza rohnkirina tohmetan û mafê hebûna parêzer, li piraniya wan haletan de têne dîtin.

Pêka vê raporê ku nav nasnav û zanyariyên girtina wan jî tomar kiriye, ji koma wan 52 bidarvekirinan, 5 girtî bi tohmetên siyasî û ewlehî, 32 girtî bi tohmetên pêywendîdar bi madên hişber, 14 girtî bi tohmeta kuştina bizanebûn û girtiyek bi sedemek nexuya, hatine bidarvekirin.

Li sala 1403 a Rojî de zêdetir ji 111 girtiyên Belûç hatine bidavekirin û îsal jî 52 girtiyên din ên Belûç li tenê li heyamê 50 rojan de hatine bidarvekirin.