Berdevikê Ewlekarîya Neteweyî ya Qesira Sipî John Kirby îro Pêncşemê got ku îdiayên karbidestên Rûsya, ku dibêjin tilîya Amerîka di êrîşa dijî Kremlînê de heye, bêbingeh in.

Kirby dîyar kir ku Amerîka, Ukrayna sor nake û destûrê nade ku ew li derveyî sînorên welêt êrîşan li dar xe.

Rûsya do Çarşemê ragihandibû ku Ukrayna xwestiye serokê welêt Vladimir Putin bi êrîşeke dronî bikuje.

Kremlînê dîyar kiribû ku Ukrayna xwestiye bi du dronan êrîşê bibe ser avahîya Putin ya dor bi sûr, lê gotibû ku ew dron ji alîyê sîstemên berevanîyê yên elektronîk hatine xistin.

Berpirsên Rûsî îdia kiribûn ku di êrîşê de tilîya Amerîka jî heye.

Jêder: VOA, AFP