Wezareta Karên Derve ya Îsraîlê derbarê rewşa Kurdên li Sûriyeyê peyamek belav kir û bal kişand ser binpêkirinên mafên mirovan ên li dijî kêmîneyan.

Wezaretê di daxuyaniya xwe de tekez kir ku Kurdên li Sûriyeyê tenê ji ber nasnameya xwe rastî zext û zoriyan tên.

“Kurd rûbirûyî koçberiyê dibin”

Wezareta Karên Derve ya Îsraîlê di daxuyaniya xwe de wiha got:

“Dema ku cîhan nîqaşa sernavan dike, kêmîne di bêdengiyê de tên tunekirin.

Kurdên li Sûriyeyê rûbirûyî koçberî, zext û tundiyê dibin. Tenê ji ber ku ew kî ne.”

“Bêdengî ne bêalîbûn e”

Di dawiya peyamê de bal hat kişandin ser gerdûniya mafên mirovan û hat gotin:

“Mafên mirovan ne bijartî ne. Bêdengî ne bêalîbûn e.”