Heyeteka  Partîya Welatparêzên Kurdistanê (PWK), ya ku ji Serokê Giştî yê PWKyê Mustafa Ozçelîk, Cîhgirên Serokê Giştî yê PWKyê Mehmet Can Azbay û Vahît Aba, endamê Komîteya Birevebir a Navendî ya PWKyê Mehmet Alî Yilmaz pêk hatî, roja 21.11.2025ê, li Amedê seredana Teşkîlata Amedê ya PSKyê (Partîya Sosyalîst a Kurdistanê) kirin.

Serokê Giştî yê PSKyê Bayram Bozyel û rêvebirên navendê û rêvebirîya şaxa Amedê ya PSKyê pêşwazîya heyeta PWKyê kirin.

Di vê seredanê de heyeta PWK û PSKyê di derbarê ‘’pêvajoya heyî’’ û pêşhateyên li  Bakurê Kurdistanê , Tirkîyeyê û perçeyên din ên Kurdistanê û Rojhilata Navîn de bîr û rayên xwe anîn zimên.

Herweha heyeta PWK û PSKyê, li ser rewşa dawî ya li Kurdistanê û Rojhilata Navîn, ya ku firsend û rîskan bi hev re di nava xwe de vedihewîne de di derbarê girîngî û pêwîstîya pêkanîna hevkarîya, tifaqa neteweyî, demokratîk de, bîr û rayên xwe bi hev re pêşkêşî hev kirin.

Hevdîtina heyeta PWK û PSKyê di asmosferekê berhemdar û dostane da derbas bû.

21.11.2025

Buroya Ragehandinê ya Partîya Welatparêzên Kurdistanê (PWK)