Ez li deşta Sirûcê dimînim û ji mala rahmetiyê Bro î Cindê yê me.Di nav zargotina miletêdercînarême û bi taybetî di nav mala me Xwedê jê raziya dayika min, gelekî  qala li sir û kerametên Ocaxa Şêx Mend  yên ku, di nav mala de hebûne û biçavan hatine dîtin dike.

Belê keko, li gorî di zargotina bavkalên me de tê gotin , quleke Marê Reş di nav mala me de hebûye. Gava kulfetê malê nan dipeja marê reş ji hêlîna xwe derdiket , dihat nav malê û pirikabavkalê min Şêx Îsê digotê, herê vê demê de karê me heye. Car caran şîr didan ber hêlînê û Mar derdiket . Maliyên me gotine, ew marê Ocaxa Şêx Mend bû. Ev Ocaxa sireke pir pîrozbû. 

Tê gotin gava ku, milet kesê xwe yê nesaxbû( dîn, har, sewsî, bi tirsekê ketiye û hwd.) di anîne nav mala me li ber Ocaxa Şêx Mend datanîn şûn de, êdî ew Mar Reş bi şeklekî rû û libas spî ji qulê derdiket, diha li kesê ne sax dikir û yê ne sax hatibû ber Ocaxê sax dibû, diçû.

Her wusa gava kesên dilreş û bêwijdan bihatina zirarekê bide kes anjî eşiyayekî nav malarahmetiyê bavkalê min Bro î Cindê , marê Ocaxê dibû kesekî rû û libasên spî derdiketepêşberî wan nebaşa,  ew ji sir û keremata Ocaxê ditirsiyane û çûne.

Dayîka min vêga jî tiştê li ser kerametê Ocaxa Şêx Mendê Kal bi çavê xwe dîtiye dibêje, carekê bûkek nû zewiciye û bûkâ disê rojan bu . Bûk ne sax bû, ew bûka bi paytonê  anînine li mala  Biro î Cındê de, li ber Oxaxê Şêx Mend ê kal danînine. Bûk wê şevê li ber Ocaxa medimîne. Gava sibe ronahî dide , em çûn dinêrin ku, bûk vaye rabuye ser xwe û hişê wê hatiyeserî. Me ji bûkê pirsî, te çi dîtiye ?

Bûkê got, gava min çavê xwe vekir pêhesiyam ku xiraniyek ser laşê minra dimeşê. Ew meşa,meşa marê Ocaxê bû û êşa di laşê min de derket. Wê bûkê bi daxwaza xwe qasî hefteyekê li ber Ocaxê xizmetkir şûda wegeriya bu mala xwe.

Li ber ocaxa malê Bro î Biro her sal çarsid pensid qurban dihate ser jê kirin . Ew qurbanandibûne şîv li ber mêvanan bela dibû û ê diman jî gundiyan dibir mala xwe. Her kesî dihat jêdixwar, vedixwar û tiştê  jê re lazimbû dibirin. Eyar dibirin ji hizanra, meşkan re û didaneeyarkêşa.

Wexta ku gundî di çûne zozanan anjî ser erda çandiniyên xwe bikin, emanet û hizen xwedianîn li nav avayê Ocaxê datanîn, da ku kes neyên wan ne dizin. 

Carekê hinga jineke gûnd ku, xwê jê re lazim dibe, tê dikeve kewara me a xwê , ew jimihtaciya xwe zedetir xwe dibe, marê Ocaxê dikeve nav berwaneka wê, heya ew tê ber deriyêji Ocax derkeve, ew berwaneka wê lê giran dibe ,berwanekê ji milê xwe datîne , dinêre kuvaye marê reş di nav berwaneka wê de ye . Jinik xofdike , ditirse û xwêya lazime nabe . Wextê diçe mala xwe, çi bi serê wê ve hatiye ji maliyan re dibêje. Mala jinkê dibêjinê, ma tenizanî bû Ocaxa wan ya Şêx Mend ê kal di mala Biro î Biro de ye û nahêle tû kes bikeve navmalê wan bibe anjî bidize.

Xwîziya me jahra maran dibire. Gava mar bi kesekî vede , em jahra mar dimijin û birînêpakdikin. Ez bixwe jî xwîiya xwe li birîna mar , dûbişkan didim û birîn pê rihet dibe.

Emîna me carekê got, hinga ez qîzik bûm, raketî bûm, min di xewê de dît, yekî cil gewr hat di sîtila me de rûnişt , xwe şûşt û derket çû.

Carekê jî ciranê ocex Wes î Elo ji gundê me digot, em gencbûn. Em birçîn e û me jixwe rapîlanek danî. Me got, ji xwe mala Biro î Biro çûne zozana û gûndiyan ji hizen xwe danîne berOcex,  em biçin ji Ocex hizekî xwe bidizin. Em çar penç xortên gûnd çûne Ocex , gava mederî wekir herin hîz bidizin, me dît ku marê reş rabiye ser xwe û pifê me kir. Em tirsiyan û got, em ê careke din tew tişten qirej ji bo Ocaxê nefikirin û nekin. 

Kek Kemal, Ocax ji bo heq, heqîqet, pakî û qenciyê bidin ber mirîden xwe ne. Ew kesên Ocaxxwe hebe, qet nikare qirejiyan bifikere û bike. Ew kesên ku, dile xwe reş bike, Ocax wankesana aciz dike, rêya merîfetê û heqîqetê şanî wan dike.

Ez dema zarok bûm, bavê min rahmetiyê Şêx Misî Cindo di deşta Sirûcê da pezê heri baş û pak xwedî dikir. Mirovekî gunde me, tê berxeka bavê min didize , dibe û dixwin . Pişt re gavaew kesa diçe rojava ango Sûriyê qaçaxiyê , ew li wirê tê hepis kirin û şeş salan radikeve. Wexta tê berdan, direve tê cem bave min dibêjê, Şêx Misî hêvîdikim, tû heqê xwe li min helalbikî ! Bavê min dibêjê lao, ma çi bû? Ew dibêje , Şêx Misî min berxeka te dizî, ez çûmeqaçaxiyê, hatime girtin, şeş sala hepis raketim. Bavê min jî dibêjê, ma te bihata ji min bixwasta, min ê ne dabûna te….

Ez ji bo wan heqîqetan dibêm, mirov ê li ser ola xwe heqîqet be, ew nikarin ti neheqiyê li kesîbikin. Bimînin di nav xêr û xweşiyê da, rojeke baş û tifaqê ji bo miletê xwe dixwazim.

Nusret Mend Tawisî