Zerfet tacê sifreyan o

Zerfet tacê sifreyan o

.

A+A-

Dêrsim de Zerfeto ke werdo kulturkî yo, hema zî tacê serê sifreyan o.

Werdê Zerfetî werdanê qedîm û kulturkîyan ê Dêrsimî ra yew o. Zerfet pêkerdişê heredîyayeyan de, Roşanê Gaxanî û sifreya meymanan de tim ca gêno.

Yemoşe Atmacaya 66 serre zerfet sifreyanê înan ra kêm nêbeno û vat: ''Key rayber û pîrê ma bêrê mêmanîya ma, ma  zerfet pewjenê, wexto ke ma heredîyayeyan anê yewca zerfet pewjeno û key dûrî ra meymanî bêrê ma zerfet pewjenê. Wexto ke meymanî yenê ma doşeganê pîlan rakenê û îşlîgêk erzenê mîyanê adirî. Dima ma zerfet wenê. Kesê zengînî zî roja pancşemeyî zerfet pewjenê û feqîran rê bare kerdêne.''

Yemoşe îzah kerd ke, wezîfeyê înan o ke kulturê zerfetî bipawê û vat: ''Reyna kulturê ma de loqma, tantir, şirê qode, keşkek û girik virazenê. Ma nê kulturan pîlanê xo ra musayî û ma zî do nînan neqlê neslan ê bînan bikerê. Ê çend biwazê ma asîmîle bikerê zî ma do kulturê xo bipawê.''

Ev nûçe 143 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin