Tirkîya de vîrusê întîxarî! Mîyanê rojêk de 2 kesê bînî xo kiştî

Tirkîya de vîrusê întîxarî! Mîyanê rojêk de 2 kesê bînî xo kiştî

Qezaya bajarê Bolu Mudurnu de welatî Mehmet K. Keyeyê xo de întîxar kerd. Vîzîr zî Mersîn de welatî Golhan Şeremet xo kiştbi.

A+A-

Merkezê Xeberan - Qezaya bajarê Bolu Mudurnu de welatî Mehmet K.  Keyeyê xo de întîxar kerd. Vîzîr zî Mersîn de welatî Golhan Şeremet xo kiştbi.

Bi no qayde Tirkîya de mîyanê 2 hewteyan de 15 kesî betalî û feqîrî ra xo kiştî.

En peynî ewro Qezaya bajarê Bolu Mudurnu de welatî Mehmet K.  Ewro keyeyê xo de întîxar kerd.

Qezaya Mersînî Akdenîz de zî Gokhan Şeremet şewa bîne întîhar kerd. Şeremet bawê 5 tutan bi û seba deynê xo û betalî xo kişt.

Mîyanê 2 hewteyanê peyînan de Amed, Şirnex, Antalya, Kocaelî, Îzmîr, Stenbol, Enqere de en kêmî 15 kesan întîhar kerd.

Kesê ke nê rojanê peyînan de întîxar kerdê nê yê:

 19 Sibate: Qezaya Antalya Manavgat  de Halît Yilmaz rîyê 26 hezar û 450 lîra deynê xo yê banke estbi ra întîxar kerd.

19 Sibate: Mamosteyê Matematîkî Înan Avşar întîxar kerd.

19 Sibate: Qezaya Îzmîrî Karşiyaka de Omur K., yo 57 serrî xo kişt.

18 Sibate: Wendekarê Sinifa 4ine yê Beşa Radyo û Tevîzyonî yê Zanistgeha Stenbolî Hakan Taşdemîr întîxar kerd.

17 Sibate: Kuçeyê Hûnerî yê Semtê Ofîsî yê qezaya Yenîşehîrî ya Amedî de çawîş pispor Kadîr Toskar bi çekê xo întîxar kerd.

17 Sibate: Welatî Nezîr Kiliç xo bînaya Qeymeqamtîya qezaya Şirnexî Cizîrî ra eşt û  merd. Nezîr Kiliç o 42 serrî babîyê 4 tutan bi û se ra 76 astengdar bi.

16 Sibate: Xerajê kamyonan yê Konya de şoforê kamyone yo 37 serrî Mevlût Çankaya  betalî ver xo kişt.

15 Sibate: Qezaya Îzmirî Karşiyaka de Î.A., yo 24 serrî întîxar kerd.

7 sibate: Antakya de welatî A.Y.  vernîya bînaya walîti de va “Ez vêşan a. Betal a. Tutê mi vêşan ê” û adir eşt bedenê xo û xo kişt.

 

Ev nûçe 206 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin