Şewatê Gelîya Munzurî badê hîrê rojan gerîya binê kontrolî. Şewatê Xozatî û Gelîya Pilemûrîye dewam keno.

Daristanê Dêrsimî bi rojan o vêşenê. Şewatê ke hetê artêşa tirke ra ameyî destpêkerdene seba ke mudaxale nêno kerdene vila benê. Şewatê ke badê operasyonê leşkerî qezaya Xozatî û Gelîya Pilemûrîye yê Dêrsimî de vejîyayî dewam kenê.

Şewato ke perarey Çirrê Firtina Velîyî yê Gelîya Munzurî de vejîya badê hîrê rojan gerîya binê kontrolî. Hemwelatîyê ke bir rojan o semedê hewnakerdişê şewatî gurîyene da zanayene ke şewat vizêr saetanê şanî de hewnakerdene.

Şewatê Xozatî ke di hewteyî xo dima verdayî hema ca ca dewam keno û şewatê Dereyê Rojî yê Gelîya Pilemûrîye rê zî heta nika mudaxale nêameyo kerdene.