Serok Barzanî pêşwazî li nûnera sekreterê giştî yê NY li Iraqê kir

Serok Barzanî pêşwazî li nûnera sekreterê giştî yê NY li Iraqê kir

.

A+A-

Serok Mesûd Barzanî pêşwazî li Nûnera Taybetî ya Sekreterê Giştî yê Neteweyên Yekgirtî kir.

Îro (14 Sibatê) li Selaheddîn Serok Mesûd Barzanî pêşwazî li xanima Jeanine Plasschaert Nûnera Taybetî ya Sekreterê Giştî yê Rêxistina Neteweyên Yekgirtî li Iraqê kir.

Di hevdîtinê de li ser rewşa siyasî û pêşhatên dawî yên Iraqê û danustandinên di navbera Herêm û Hikûmeta Federalî û her wiha astengên li ber rêkeftina Şingalê de hatin axaftin.

Nûnera Taybetî ya Sekreterê Giştî yê Rêxistina NY li Iraqê tekez li wê yekê kir ku NY hana Hikûmeta Herêma Kurdistanê û Hikûmeta Federaliya Iraqê dide ku li diyalog û rexsandina rewşa erênî ya ji bo serxistina danûstandinan û bi desthatina çareseriya guncav ya ji bo kêşeyên di navbera wan de berdewam dibin.

Serok Barzanî jî piştgiriya xwe ji bo diyaloga berdewamiya di navbera Hikûmeta Herêmê û Hikûmeta Federaliya Iraqê di çarçoveya Destûrê de ragihand û eve jî dupat kir ku eger di salên derbasbûyî de Destûr wekî xwe bihata bicîhanîn, gelek ji wan kêşe û giriftan nedibûn ku niha li navbera her du aliyan de hene.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin