Şermola Performans wê şanoya “Mem û Zîn”ê li Stenbolê nîşan bide

Şermola Performans wê şanoya “Mem û Zîn”ê li Stenbolê nîşan bide

.

A+A-

Lîstika şanoyê wê li Kadıkoyê û li Beyoglûyê were nîşandan.

Şermola Performans lîstika şanoyê ya bi navê “Mem û Zîn”ê wê li Stenbolê nîşan bide.

Lîstik wê cara pêşiyê, roja 11ê Gulanê li Kadikoy Moda Sahneyê derkeve ser dikê. Cara duyem jî wê 12ê Gulanê li Beyoglû Kumbaraci50ê be.

Şermola Performans “Mem û Zîn” di Çiriya Paşiyê ye 2021ê de li Batmanê promîyera lîstikê kiribû. Paşê jî li bajarên wek Amed, Qoser, Riha, Sêrt, Tetwan û Wanê lîstibû.

Versîyona ku di vê şanoyê de hatiye bikaranîn, qeyda dengbêjê navdar Reso ye. Çîrok behsa îxanet, mêrxasî, mêvanperwerî, xerabî û neheqiyê li derdora evîna mezin û ne gengaz a Mem û Zînê dike.

Kunye

Çavkanî: Dengbêj Reso

Konsept/Derhêner: Mîrza Metîn

Lîstikvan: Pelda Bal, Kenan Demir, Roni Dildar

Dramaturg/Alîkara Derhêner: Zelal Angay

Koreograf/Rahêner: Arjen Brûsk

Sêwirînerê Sehneyê û Ronahiyê: Mîrza Metîn

Fotograf: Bariş Evîz

Asîstan: Robîn Ozel

Derbarê Şermola Performansê de

Di sala 2008an de bi hevkarîya Mîrza Metîn û Berfîn Zenderlîoğluyê li Stenbolê hatiye damezirandin. Weke însiyatîfeke şanoyê ya pirnavendî li bajarên Stenbol (2008), Koln (Almanya - 2018) û Batmanê (2021) xebatên xwe didomîne. Heta niha 25 lîstik afirandine, bi wan lîstikan beşdarî festîvalên girîng ên li Herêma Kurdistanê, Tirkiyê û Ewropayê bûne û ew lîstik hatine xelatkirin. Li ser lîstikvanîyê, şanonûsîyê û dîroka şanoyê ya cîhanê perwedehîyan pêk tîne. Pêşengtîya “Kovara Dîalog”ê ku yekem kovara şano, dans û
performansê ya bakurê Kurdistanê ye, dike.

Bîanet

Ev nûçe 290 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin