Serkirdeyê Opozisyona Sûriyê Kurdan dişîbîne ajelan

Serkirdeyê Opozisyona Sûriyê Kurdan dişîbîne ajelan

"Tenê bêjeya Sedam bes e da ku bi lez derketina van nemîne."

A+A-

Serkirdeyê Opozisyona Sûriyê Kurdan dişibîne ajelan, rehmetê bo Sedam dişîne û dibêje: "Tenê bêjeya Sedam bes e da ku bilez derketina van nemîne."


 

Yek ji serkirdeyên Opozisyona Sûriyê bi navê Esed Zubî di twîttekê de dibêje: "Her dema me rastiya sifetên rêxistina terorîst a Kurdî PYDê eşkere kiribe, hejmareke zêde ya ajelan derdikevin "ker dizire, kuçik dike ewt ewt, beq diqêrîne, sîsirk, cird û gelek kurm."


 

Herwiha nivîsiye: "Pêdivî bi bikaranîna dermanê qirkirinê nake bo van heşaretan, tenê bêjeya Sedam bes e da ku bilez derketina van nemîne, loma ev wiha li me dike berdewam rehmetê li Sedam bikin û Xwedê rehmê lê bike."


 

Ji aliyekî din ve Partiya Yekitiya Demokratîk (PYD) jî bersiva Esed Zûbî da û ragihand ku Esed Zûbî beşek e ji rejîma dîktator bûye û hiştina aliyekê û çûna nav aliyekî din, nayê wê wateyê ku bûye demokrat.


 

Endamê Encûmena Birêveber a PYDê Ebdulkerîm Sarûxan diyar jî kir ku ev daxûyanî nîşaneya eqliyeta Opozîsyona Sûriyê ye û ev axaftinên Esed Zûbî tenê ji bo Kurdan nîn in û ji bo tevahiya gelên din ên li navçeyê ne.


 

Sarûxan her wiha daxwaz ji ENKSê kir ku li hemberî axaftinên wiha hişyar be û helwestekî cidî li hemberî zihniyetên bi vî awayî bistîne.

  

Ev nûçe 111 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin