Serekê Pêroyî yê PAKî Mustafa Özçelikî Teşkîlatê PAKî yê Batmanî de rayberanê PAKî reyde kom bi

Serekê Pêroyî yê PAKî Mustafa Özçelikî Teşkîlatê PAKî yê Batmanî de rayberanê PAKî reyde kom bi

.

A+A-

Serekê Pêroyî yê PAKî Mustafa Özçelikî ewro  (26.01.2021) Teşkîlatê PAKî yê Batmanî de rayberanê PAKî yê Batmanî reyde kombîyayîş kerd.

Semedê tedbîranê pandemîya Covid-19î kombîyayîş de tena rayberê PAKî yê Amedî estbî.

Kombîyayîşan de kongreya asayî ya diyîne ya PAKî, polîtîkayê PAKî û rewşa her çar parçeyanê  Kurdistanî ser o qisey bi. Derheqê nê babetan de Serekê PAKî Mustafa Özçelikî cewab da persanê beşdarvanan. Beşdaran zî fikir û vînayîşê xo îfade kerd.

Heme rayberan muhîmîya bernameyê xebate û qerarê ke verê cû ameybî tesbît kerdene ser o hemfikir bî.

Kombîyayîş Teşkîlatê PAKî yê Batmanî de bi beşdarîya Serekê Pêroyî yê PAKî Mustafa Özçelik, Hetgirê Serekê PAKî Nurullah Timur û Vahit Aba, Serekê Teşkîlatê PAKî yê Batmanî Aziz Özdemir û tay rayber û endamê PAKî yê Batmanî virazîya. Kombîyayîş de wazîya ke xebatê PAKî yê hîna hîra bibê û kombîyayîş bi hawayêko berhemdar qedîya.

Kombîyayîşî ra dima Serekê Pêroyî yê PAKî Mustafa Özçelik, Hetkarê Serekê Pêroyî yê PAKî Nurullah Timur û Vahit Aba, Serekê Teşkîlatê PAKî yê Batmanî Aziz Özdemir û tay îdarekar û endamê PAKî yê Batmanî mezelê endamê PAKî Fexredîn Akinî ziyaret kerd. Heyeta PAKî mezelê Fexredîn Akin ser o Alaya Kurdistanî  na ro û fatîhayêk wend.

Fexredîn Akin qasê 45 serrî bi ke dewaya azadîya Kurdistanî rê kede û xebata ey estbî û endam û kadroyêkê PAKî yê Batmanî bi.

Fexredîn Akin 24ê Çeleyî de bi hawayêko nêînsanî, keyeyê xo de dewa Batmanî de amebi kiştene.

27.01.2021

Buroya Çapemenî û Têkilîye ya PAKî

1-1-001.jpg2-2.jpg3-3.jpg4-4.jpg

Ev nûçe 206 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin