Rêxistinên Mafparêz: Bila Tirkîye li hemberî girtîyên sîyasî cidaxwaz nebe

Rêxistinên Mafparêz: Bila Tirkîye li hemberî girtîyên sîyasî cidaxwaz nebe

16 sazîyên civaka sivîl ên navnetewî bang li Tirkîyeyê kirin û gotin, parêzer, rojnameger, sîyasetmedan û mafparêzan demildest berdin.

A+A-

Navenda Nûçeyan - 16 sazîyên civaka sivîl ên navnetwî derbarê pêşnûmeya guhertina qanûna cezayan de metneke nivîskî weşandine û ji Tirkîyeyê xwestine ku cidaxwazîyê li dijî girtîyên sîyasî neke.

Sazîyan îro daxuyanîyeke hevbeş weyandine û bal kişandine ser hejmara girtîyên li girtîgehan ku gelekî zêde ye.

Sazîyan dîyar kirine ku şert û mercên paqijîyê li girtîgehan ne baş in û wiha berdewam kirine:

“Em bang li hikûmeta Tirkîyeyê dikin ku helwestên cidaxwaz li hemberî girtîyên sîyasî pêk neyne. Rêzê ji mafên mirovan ên bingehîn ên hemû girtîyan re nişan bide û ji bo girtîyan nexweşîya Covid-19ê di serî de, ji hemû nexweşîyan biparêze û tedbîran bistîne. Girtîyên ixtîyar, nexweş, kêmendam û yên xwedî zarok demildest berde.”

Sazîyên navborî daxwazên xwe wiha rêz kirine:

* Divê di serî de parêzer, rojnameger, sîyasetmedar, hunermend, dadger û dozger, mafparêz û kesên ji ber tedbîrên rewşa lezgîn bi awayekî kêfî hatine desteserkirin û bi giştî girtîyên sîyasî serbest bimînin û divê ev ji derveyî guhertina qanûnê neyên hiştin.

* Girtîyên ixtîyar, nexweş, kêmendam û xwedî zarok divê di serî de werin berdan.

* Divê ev daxwaz bi awayekî acil pêk werin.

Sazîyên ku îmze dane metna navborî wiha ne:  

*European Federation of Journalists

*European Centre for Press and Media Freedom

*Foundation of Day of the Endangered Lawyers

*Freemuse Association

*International Association of People's Lawyers

*International Observatory of Human Rights

*International Federation of Journalists

*Italian Federation for Human Rights

*Lawyers for Lawyers

*Lawyers' Rights Watch Canada

*Liga voor de Rechten van de Mens

*Platform for Peace and Justice

*Social Justice Advocacy Campaign

*The Open Dialogue Foundation

*The Arrested Lawyers Initiative

*The Media and Law Studies Association

Bianet

 

Ev nûçe 186 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin