PYNK: Ganî verê îşxalanê dewleta tirke bêro girewtene

PYNK: Ganî verê îşxalanê dewleta tirke bêro girewtene

Partîyanê Yewîya Neteweyî ya Kurdan (PYNK) raporê Neteweyê Yewbîyayî ê derheqê sûcanê dewleta tirke ya îşxalkere de beyanat da.

A+A-

PYNKyî îfade kerd ke dewleta tirke warêko pîl îşxal kerda û ganî verê ci bêro girewtene

Partîyanê Yewîya Neteweyî ya Kurdan (PYNK) derheqê raporê Netewê Yewbîyayî ê derheqê sûcanê dewleta tirke de  beyanatêk da.

Benanat de wîna vajîya: ''Rapor de sûcê komanê terorîstan ê Îtîlafê Sûrîye û dewleta tirke yê ke Efrîn, Serêkanîyê û Girê Sipî de kenê, ameyî eşkerakerdene.

Ma nê raporî sey beşêkê qijkekî yê sûcanê dewleta tirke qebul kenê û rapor pozîtîf vînenê. 

Heto bîn ra ma qismo ke derheqê herêmanê Îdareyê Xoserî de nusîyayo red kenê û pêşnîyazê komîte kenê ke wa şorê û şarê herême reyde qisey bikerê, nê îdîayan raşt bikerê.

Ma sere de Hêzanê Koalîsyonê Mîyanneteweyî, Amerîka, Rûsya, Konseya Asayîşî venga rêxistinanê heqanê merdiman danê ke wa mesuldarîya xo bîyarê ca û sûcanê barbaran ê dewleta tirke vindarnê. Ma wazenê ke îşxalê herêmanê kurdan û Sûrîye bêro qedînayene û sûcdarî bêrê hukmkerdene. Ganî cade verê dewleta tirke bêro girewtene ke herême ra teror vila kena û Sûrîye ra heta Iraq, Yunanîstan, Qibris, Armenîstan, Dengizê Sipî, Yemen, Lîbya seba pêro welatan tehluke ya.''

 

Ev nûçe 97 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin