Projeya talankerdişê Çimeyanê Munzurî ame protestokerdiş

Projeya talankerdişê Çimeyanê Munzurî ame protestokerdiş

DEDEFî Kadikoy de çalakîyêk kerd û îfade kerd ke ê do nêverdê binê nameyê projeya peyzajî de Çimeyê Munzurî bêrê texrîbkerdene û talankerdene.

A+A-

Federasyonê Komeleyanê Dêrsimî (DEDEF) qezaya Kadikoyî ya Îstanbulî de bi çalakîyêk talanê Çimeyanê Munzurî protesto kerd. Hemwelatî û sîyasetmedarî zî tewrê çalakîye bîyî. Çalakî de pankartê bi nuşteyê 'Dest mede Munzur' ame akerdene. Hemwelatîyan sloganê sey 'Munzur do azad bihêriko', 'Sermaye wa Munzurî ra def be' vatî.

Çalakî de  endama DEDEFî Hulya Guntaş beyanat wend. Hulya Guntaş vist vîrî ke Çimeyê Munzurî hem warê SÎTî yê hem zî seba elewîyan fîraz ê. Hulya Guntaş pare kerd ke caardişê na proje hêrişê vera kultur, bawerî û vîrê elewîyan o.  Hulya Guntaş îfade kerd ke mudaxeleyê vera Çimeyanê Munzurî nêno qebulkerdene û ê do nêverdê ke binê nameyê projeyê peyzajî de Çimeyê Munzurî bêrê texrîbkerdene û talankerdene.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin