PAK: Şer û hêrişê Dewleta Tirkîya û çalakîyê çekdarî yê PKK gere biqedîyê

PAK: Şer û hêrişê Dewleta Tirkîya û çalakîyê çekdarî yê PKK gere biqedîyê

Ma nê hêrîşî şermezar kenê. Me her tewir hêrîş û çalakîyanê terorî ê ke zerar danê sivîlan,  bê teredut şermezar kerd, ma ewro zî şermezar kenê. 

A+A-

Qezaya Amedî Pasûr (QULP) de roja 12.09.2019 de teqayîşêk de 7 kesî merdî, 10 kesî zî birîndar bîyî. Ma nê hêrîşî şermezar kenê. Me her tewir hêrîş û çalakîyanê terorî ê ke zerar danê sivîlan,  bê teredut şermezar kerd, ma ewro zî şermezar kenê. 

 

Dewleta Tirkîya seba ke qezencanê şarê ma çine biko, seba ke vernîya xebat û çareserîya sîyasî, sivîl, demokratîke bigîro,  Vakur û Rojava û Vaşûrê welatê ma de şer û hêrîşanê xo domnena. PKK zî bi şerê xendek û barîkatan, bi çalakîyanê xo yê çekdarî  ke zirar danê şarê ma, bena sebebê hêrîşanê Dewleta Tirkîya.

 

Heta ke no şer û hêrîşê Dewleta Tirkîya dewam bikê; heta ke PKK  hêrîş û çalakîyanê xo ê çekdarî ke zerar danê şarê ma, zerar danê dewaya ma dewam bikê, do kiştiş û wêranî  her tim fekê berê ma de bê.

 

Heqê tu kesî çino ke meşrûyetî û însanetîya çalakîyanê Dayîkanê Şemeyî, dayikê ke vernîya bînaya HDP de domananê xo gêrenê xo rê biko malzeme  û çine bihesibno; Na bê wicdanî ya. No waştiş û dejê dayîkan çîne hesibnayîş nêno qebûlkerdiş, nê wastişê dayîkan û talebê dayîkan netîceyê nê şerî yo, netîceyê sîyasetê binpay kerdisê heq û azadîya merdiman o. Û nêbo ke tu kes  seba armancanê xo yê qilêrinan  nê waştişê dayîkan îstîsmar biko.

 

Heta ke şer û hêrîşê Dewleta Tirkîya dewam bikê; heta ke PKK bi hêrîş û çalakîyanê xo yê çekdarî yê ke zerar danê şarê ma, dano dewaya şarê dewam biko,  bi  hezaran şarê ma yo sivîl rojêk do Pasûr (QULP) de, rojêk do Qoser de, rojêk do Amed de yan zî cayêko bîn de  bibo qurbanê nê şerî  û nê çalakîyanê çekdarî.

 

Seba ke wa çaresrîyêka sîyasî û sivîle peyda bibo,  seba ke wa peynîya nê şerî û kişyayîşan bêro, gere Dewleta Tirkîya cade no şer û nê hêrişanê xo vindarno. Gere PKK zî bi şer û çalakîyanê xo yê çekdarî  nêbo sebebê hêrişanê Dewleta Tirkîya. Gere PKK fek çalakîyanê xo yê çekdarîyan ra verado.

 

 

Nêbo ke qebûl kerdişê heq û azadîya şarê ma yê netewî, demokratîk rîyê nê şerî ra bêrê peygoşkerdene û bêrê red kerdene. Gere  ma pêro vera nê muameleyî û helweste vaje 'ney'

 

Gere seba çareserîyêka  sîyasî, sivîl, demokaratîke ya raşteqîn  gamî bêrê eştene. Gere esasê heq û azadîya şarê Kurdî  û Kurdistanî ser heme partîyê kurdistanî, heme hetê Kurd û Kurdistanî muxatabê çareserîya sîyasî bê.

 

13.09.2019

 

Buroya Çapemenî ûTêkilîye ya PAKî

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin