Merkezê Xeberan- No demo ke miletê Kurd welatê xo de newe ra rastê şidet, hêriş û neheqîyan yeno. Her het ra hêrişê ke însanetî ra dûr ê benê şarê ma rê. Mîyanê winasî yew wextî PAK bîya 5 serrî.

Dewleta Tirkîya, sîyaseto ke dişmenetîya miletê Kurd ser o ameyo ronayîş xo rê kerda bingehê estbîyayîş xo û heme helwest û gamanê xo de bi hişmendîya  ‘merdimo Kurd wa dadîya xo nêvîno’ têgêrena. Belê Dewleta Tirkîya, tena Vakurê Kurdistanî de ney, Vaşûr û  Rojavayê Kurdistanî de zî bi nê helwest û sîyaseto xelet, şarê Kurdî rê dişmenetî kena û her gama xo de rayê çareserîya meseleyan çine kena, xetemnena.

Ewro Rojavayê Kurdistanî de şarê Kurd rî bi rîyê hêriş, qetlîyam û wêranî mendo.

Rojavayê Kurdistanî de qirarê agirbestî, beno ke vernîya qetlîyamanê neweyan bigîro û qerarêko hewl o. Labelê gama ke ma ewnîyenî rewşa Rojavayê Kurdistanî ya ewroyîne ra, ma vînenê ke derheqê Rojavayê Kurdistanî de, Surîye de û herême de her dewletêk wayîrê nîyet, plan û stratejîyêka taybete û nimite ya. La nîyet û armancê kamî çi beno wa bibo, kerden, helwest û siyasetê nê dewletan bîyo sebebê nê çîyan: Kurdan bi merg tersnenê ke, kurdan tayn rê razî bikê.

Demêko ke her çar perçeyanê Kurdistanî de zî şarê ma rastê hêrişanê zaf hetî yeno, ganî her kes xo sîyaset û kerden û helwesta ‘tekçî’ ya ke aşitî, yewitîye, azadî û demokrasîya mîyanê xo texrîb kena ra dûr bigîro. Gere ma bizane ke na helwete û sîyaseto ke hişmendîya netewî, niştimanî ra dûr o zirar dano dewaya   şarê ma. Bi sîyasetêko niştimanî, netewî, demokratîk, bi ewnîyayîşo ke prosesê nikayî de aktorên nê prosesî bi awayêko zanistî û rast bigîro dest, ma eşkenê vera nê hêrişan vinde û şarê xo rê firsendanê neweyan peyda bike.

Her çiqas zî qetlîam, jenosîd, neheqî benê  zî, tu şikê ma çino ke, şarê ma Kurdistan de nê rojanê reş û tarî  do peyê xo de verdo û do bireso azadîya xo.

PAK, 5 serrîya xo de zî  her tim bi nê armancanê xo yê demê ronayîşî xebatanê xo kenê

Belê PAK seba nê heme neheqîyê ke şarê ma rê benê vana  ‘bes o’ û seba ke peynîya nê neheqîyan bîyaro ameya ronayene; ewro  zî bi nê armancê xo resaya 5 serrîya xo.

PAK roja 18.10.2014 de Amed de amey ronayene. Roja 11.12.2014 de zî Tirkîya de sey partîyêka resmî amey qebûlkerdene.

Labelê Dadgeha Qanûnê Bingehînî ya Dewleta Tirkîya derheqê PAKî de dewaya qefilnayîşî akerde. Dadgehe, seba ke nameyê aye de ‘Kurdistan’ esto, programê aye de estbîyayîşê miletê Kurd û Kurdistanî, heqê miletbîyayîşê Kurdan pawena, waşt wa PAK nameyê xo û programê xo bibedlno. PAK zî va, ez nameyê xo û programê xo nêbedilnena. PAK Dadgeha Qanûnê Bingehînî ya Dewleta Tirkîye de bi Kurdkî û bi Tirkî pawitişê xo kerd. PAK, tarîxê Dewleta Tirkîya de partîya yewina ke Kurdkî pawitişê xo kerda ya.

PAK, nê 5 serranê xo de seba dewaya azadîya Kurdistanîxebatêk ercîyaye kerda.

PAK nameyê ekolêko newe ya

Kadroyê PAKî, êyê ke bi serrano ke seba azadîya Kurdistanî kede dane û keda înan esta yê; Labelê PAK bi vate, siyaset, helwest û xebata xo partîyêka newîye ya.

PAK,5 serranê peyênan de pa heme kêmanî û perseyanê xo, bi ekolê xo, bi rayê xebata xo, bi helwestê xo, bi vatişê xo û bi ronayîşê sîyasetê xo, sîyasetê Vakurê Kurdistanî de bîya merkezêko esasî.

PAK, helbet eşkêne hîna başêr, xurtêr û pîlêr bibîyêne. Labelêdestê ma ra hende ame; kêmanî û xeletî zî, serketiş û averşîyayîş zî yê ma yê.Ma kenê ke posesê vernîya ma de xeletî û kêmanîyanê xo rast bike, seba têkoşînê azadî yê şarê xo bibe partîyêka girde. Meqsedê ma ganî no bo.

PAKkarê xo yê zereyî û rayapêroyî de de ziwanê Kurdkî sey ziwanê esasî xebitnaya û Kurdkî(Kurmanci û Dimilî) heme beyanatanê xo û nuşteyanê mîyanê xo de bîya ziwanê resmî yê PAKî.

PAK, Vakurê Kurdistanî de bi çalakî, xebat, Konferans û helwestê xo de zî cîyayîya xo bi zelalî nîşan daya.

PAK Partîya Fedakaranê Kurdistanî ya

PAK,  bi ronayîşê sîyasetê xo, bi rayberdişê xopartîyêka xoser a. Heto bîn ra PAK hetê ekonomî ra bi îmkananê îdarekar,endam û hetkarîdayoxanê xoxebata xo kena û PAK Partîya fedakaranê Kurdistanî ya.

PAK, bi xebata xa ya mitewazî, vakure Kurdistanî deonca zî eslê xo de bîya vengê milyonan bêvengan.

PAK,xo de tarîx nêdana dest pêkerdiş, xode zî naqedênena; heme ked û xebatê ke seba dewaya azadîya Kurdistanî amê dayene, hurmet nîşanê pêrûne da û wayîrê ci vejîyena.

Naye ra zî, PAKva ke,ma dewamêked û xebata tradîsyonêkê 200 serrî yê.

PAK, roja ewilî ra sîyasetê xo yê îtîfaq, dîyalog û yewîtî nê prensîban ser o awan kerd: ’’Êyê ke eşkenê bibê yewwa bibê yew; êyê ke nêeşkenê bibê yewwa hemkarî û îtîfaqan bikê; Êyê ke nêeşkenêîtîfaqan ronê zî wa yewbînan rêberanê dîyalogî û qiseykerdişî akê; êyê ke nêeşkenê yewbînan dir dîyalog zî ronê, wa dişmenetîya yewbînan nêkê’’. No rayîr zî sey perçêkê şexsîyetê PAKî, mîyanê sîyasetê Kurdistanî de cayê xo girewto.

PAK, roja ewilî ra hetanî ewro her wext va, rayê yewkerdişê potansîyelê azadîwaştoxan û demokratanê Kurdistanî de serek ma nîyê, rayver ma nîyê, seba ma nameyê ma ‘’xeta sûre’’ nîyo. PAKî va, ma heme fedakarîyan rê hadre yê.

PAKî xeta xo ya azadîwaştoxe ya Kurdistanî ra tawîz nêda û weçînayîşê 7ê hezîrane û 1êteşrîna Verêne yê 2015î de û weçînayîşê 24ê hezîrana 2018î de helwestêka bi şexsîyet nîşan da. Sebake çend parlamenteran, çend serekîya beledîyeyanqezenc biko, program û sîyasetê xo binpay nêkerd, nêkewt mîyanê îtîfaqanê xeletan. PAKî weçînayîşê şaredarîyan yê  31ê adara 2019î de PSKdirnamzedêxoserî vetî şarî ver û bi na helwesta xo ya bi şexsîyet alternatîfê xo yê netewî ûwelatperwerî nîşan da. Partîya kehelwesta xo ya weçînayîşan ver sereberz a û bi rîyêko sipî orte de ya bê teredut PAK a.

PAK vera şero ke ewro zî dewam keno, bê teredut helwest girewt û va ‘’ şer rê ney, çareserîya sîyasî rêe/ya’’. PAK Dewleta Tirkîya ra va, bi şer û kiştişan ti do nêeşka vernîya  azadîya Kurdistanî bigîrî; PKK rê zî va, ‘’No şer, Vakurê Kurdistanî de zirar dano şarê ma, dano welatê ma’’. Ewro zî her sîyasetê PAKî wina yo û wina domîyeno.

PAKî siyasetê xorexne kerdişê xeletîyatayinan ser o û dişmenetîye ser o nêkerd. PAKî va ‘’Ganî ez xo bi xo tarif bikî û behsê xo bikî; neke ez xerabîyanê tayinan ser o xo tarîf bikî’’. PAK xo bi xo tarîf kena, xo bi yê bînan tarîf nêkena. PAK, pratîkê xo yêhetanîewroyî de zî ney nîşan dayo.

PAKîhîrakerdişê zafrengî û zafvengîya sîyasetê Vakurê Kurdistanî de rolêko esasî kay kerdo.

PAK, hetkarî dana qezencanê federalî yê Herêma Kurdistanî, hetkarî dana îradeyê referandûmêxoserîya Vaşûrê Kurdistanî; hetkarî dana dewaya meşrû ya azadî  ya Rojavayê Kurdistanî. PAK,  têkoşînê Rojhilatê Kurdistanî,sey têkoşînê xo zana. PAK, her çar perçeyanê Kurdistanî de yewitî, hemkarî û îtîfaqanê netewî wazena.

PAK vana ke, çareserîya meseleya Kurde û çareserîya meseleya Kurdistanî seypê nîya

Dewleta Tirkîya  96 serrîyo ke bi şîarê ‘yew dewlet, yew milet, yew welat, yew ale ’ bi sîyasetê îmha, înkar, qetlîyam, asîmîlasyon, wêra kerdiş û koçber kerdişî waşta miletê Kurd çîne biko. Dewleta Tirkîya  bi nê sîyasetî, bi sîyasetê etnîkî, dînî, mezhebî, komelkî, ekonomî, sîyasî, kulturî, kerda ke bi milyonan Kurdî û Kurdistanî ca û warê xo, welatê xo terk bikê û koçê bajaranê Tirkîya bikê. Ewro tayn bajaranê Tirkîya de nifûsê Kurdan bîyo qasê ê Tirkan; yan zî yê Tirkan zêdêr o. Na rastîye seba Kurdistanî û seba  Tirkîya 2 armancê cîya yê sîyasî dana ma ver. Kurdistan de armancê şarê ma heqê xorayberdiş, erdê welatê xo de bi statuyêka sîyasî xo îdre kerdiş o. La Tirkîya de şarê Kurd hetêk ra hetkarî dano dewaya azadîya Kurdistanî, hetêk ra zî seba heqanê xo yê kulturî û demokratîk mucadele keno. Tirkîya de cayê ke tede nifûsê Kurdan şaranê bînan ra zêdêr o, uca de îdarekarîya mehelî de gere heqê xoserîya  kulturî, îdarî ya demokratîk  esaba Kurdan bêro ca. Cayê ke Kurdî hetê nifûsî ra kêm ê, gere uca de xoeserîya kulturî bêra ca. Şertê xoserîya Îdarekarîya Mehelî yê Ewrûpa bi heme madeyê xo gere bêrê ca. Têkoşînê Kurdê ke Tirkîya de manenê, beşêkê têkoşînê azadî, demokrasî û edaletî  yê Tirkîya yo.

Seba na rastîye, hem têkoşînê azadî, demokrasî û edalatî yê Tirkîya hem seba Kurdê ke Tirkîya de manenê, hem zî seba  şarê Kurdistanî muhîm o. Labelê rast nîyo ke ma dewaya azadîya Kurdistanî  demokrasîya Tirkîya rê girê bide; dewaya azadîya Kurdistanî pê demokrasîya mîyanê xo yê Tirkîya çareser nêbena

PAK vana, bingehê xebata maestbîyayîşê miletê Kurd û Kurdistanî ser o yo; Ma seba Kurdistanî heqê xo îdarekerdişî wazenê, maheqê xo yê azadî, erdê xo ser de bi statuyêka sîyasî îdare kerdişê şarê Kurdistanîwazenê (çi federalî, çi konfederalî, çi xoserî).

PAK vana, konjonkture nikayî de ma çareserîya federalî ya şirîkatîya miletê Kurd û miletê Tirk, ya bingehê şirîkatîya 2 welatan, ya 2 parlamento û 2 hikûmetan çereserîyêka hewl a.

PAK vana ‘Nika Kurdistan, Nika azadî’

PAK vana ‘’Seba Kurdistanî Azadî, Kurdistan De Azadî’’

PAK, Vakûrê Kurdistanî de partîya cematkî, demokrate, azadîwaştoxe û Kurdistanî ya.

PAK seba azadî, demokrasî û edaletê cematî, seba pêruna etnîsîte, dîn û mezheban, Kurdistanêko azad wazena û seba ney têkoşînê xo bidomno. PAK vana ’’Seba Kurdistanî Azadî, Azadî SebaKurdistanî’’.

PAK bi şîdet û tûjî ney, wazena bi rayê sîyasî û demokratîk, bi bêîtîadîya sivîl heqanê netewî û demoratîkî yêmiletê Kurd û azadîya Kurdistanî bigîro. PAK bi xo zî gamêka bêîtîadîya sivîl a.

PAK vana, sebarêxistin kerdişê cematê Vakurê Kurdistanî, seba ke ciwan û cinî bibê wayîrê partî û heqanê xo, rayîrêko newe bêro peyda kerdene.

PAK vana, ma temeşekerdox yan zî şîrovekarê rewşa Kurdistanî nîyê; ma aktorê esasî yê kebieşkê nê ‘’qederê miletê xo’’ bibedilnê.

Aşkereyo ke heta ewro tu partîyan cewab nêdayo vengdayîşê PAKî yo mîyanê partîyêk de yewkerdişê hêzê netewî, azadîwaştox, demokrat, Kurdistanî. Seba na rastîye zî, seba partîyêka hîna xurtêr,ganî hemehetî,Partîya Azadîya Kurdistanî (PAK) rê wayîr vejîyê, gamêk bêrê nêzdî û seba na lazimtîye qewet bidê PAK. Ganî ma bivîne û bizane ke, vindîkerdişê wextî, eslê xo debeno sebebê azadîya welatê ma.

PAK Vakurê Kurdistanî de, awankerdişêîtîfaq û hemkarîyebingehê hişmendîyêka netewî, welatperwerî û sey wazîfeyêkê xo yê tarîxî û netewî vînena.

PAK bi ehlaq û kûltûrê xo bîya veng û ekolêko newe û berhemê nê ekolîdo sibarojê şarê ma de xo bewlî biko.

PAK vana, bingehê averşîyayîşê xebate, xebat a, xebat a.

Heme rayver, endam û hetkarîdayoxê PAKî, mîyanê şertanê zehmetinan de zî bi awayêko wîcdanî, bêhetî û xorexnegker xebitîyenî la gere heme kêmanî û xeletîyanêxo zî bivînê û înan rê çareyan bivînê.Û PAKa kema behs kenî o wext eşkena feydê xo bimojno. Gere ma weş bizane ke, lazimtîya şarê mabi na PAKa ke ma terîf kenê rê esta; lama hîna zî nêresayê a merhela.

Seba ke nêtecrubeyêkadroyanêma bieşko dînamîzmê ciwanan, ruhê xebatkar û organîzekerdişî yê cinîyan dir bibo yew; seba ke PAK bieşka hemeqismanê şarî dir bikewamîyanê têkilîye, gere ma zaf çîyan ser o newe ra vinde, sebebênêserkewtişê xo tesbît bike û gero ci rayê çareserî peyda bike.

Bi na hişmendîye, ez heme kadroyan rê sipas kena ke,ronayîşê PAKî de û ameyîşê PAKî ya heta roja ewroyîne de keda înanesta û ez vana;5 serrîya PAKî, rayver, endam, hetkarîdayox û dostanê ayeû şarê Kurdistanî rê pîroz bo.

18.10.2019

Buroya Çapemenî û Têkilîye ya PAKî