Özçelik: Şewitandina daristanên Lîceyê tawenekî li dijî mirovahîyê û xwezayê ye

Özçelik: Şewitandina daristanên Lîceyê tawenekî li dijî mirovahîyê û xwezayê ye

Serokê Giştî yê PAKê (Partîya Azadîya Kurdistanê) Mustafa Özçelik jiber şewitandina daristanên Lîceya girêdayê Ameda Bakurê Kurdistanê daxuyanîyek belav kir. Di daxuyanîyê de Özçelik bang li dewleta Tirkîyê û PKKê kir ku çekan rawestînin.

A+A-

 

Serokê Giştî yê PAKê (Partîya Azadîya Kurdistanê) Mustafa Özçelik jiber şewitandina daristanên Lîceya girêdayê Ameda Bakurê Kurdistanê daxuyanîyek belav kir. Di daxuyanîyê de Özçelik bang li dewleta Tirkîyê û PKKê kir ku çekan rawestînin.

Daxuyanîya Özçelik wiha ye:

Dewleta Tirkîyeyê daristanên navçeya Lîce ya Amedê dişewitîne.Eve 97 sale daristanên me têne şewitandin, gund û bajarên me têne xera kirin,  bi dehhezaran mirovên me hatin qetil kirin. Wan daran jî, xwîn û ruh û hest û bawerîya wan şehîdan jî li çîya û deşt û axa Kurdistanê rehekî kûr û berfireh berdayîne. Kesî heta îro bi kuştin û şewitandin û wêran kirinê nikarîbû van daristanan jî, vî miletî jî, vî welatî jî tune bike. Ji îro pê de jî tu hêz dê vî mîletî, vî welatî û doz û daxwaza azadîya me ji holê rake.

 

Şewitandina daristanên Lîceyê, qetlîameke li dijî xwezayê û li dijî mirovahîyê ye.

 

Em şewtiandina daristanan bi tûndî şermezar dikin.

 

Em bangî Dewleta Tirkîyeyê dikin; vî şerî rawestînin. Em bangî PKKyê dikin; dawî li vî şerê çekdarî yê ku zerarê dide gelê me bîne.

 

Dewleta Tirkîyeyê divê bi  dîyalog û hevdîtinan li gel  hemû partîyên Kurdan   rêya çareserîya sîyasî veke. Rêya rast û mirovî û maqûl ev e.

 

30.07.2020

 

Mustafa Özçelik 

Serokê Giştî yê PAKê 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin