Nînjayên kurd li ser kar in

Nînjayên kurd li ser kar in

.

A+A-

Li Başûr komek kurd ku navê "Tîma Nînja a Soran" li xwe kirine hînê nînjatiyê dibin.

Komek kurdan dest bi nînjatî kirine. Koma ku navê "Tîma Nînja a Soran" li xwe kirine niha 50 endamên wan hene. Ajansa Reutersê ligel wan hevdîtin çêkiriye û nûçe weşandiye.

Mamosteyê Koma Nînja ê bi navê Şerzad Muslih Elî dibêje sê meh berê wan ev kom damezirandiye û li çiyê antremanê dikin. Elî dibêje, "Li nav çar dîwaran mirov nikare hîn bibe, lê li xwezayê hewa xweş e, divê nînja hînê hem sermayê hem germê bibe û bi vî awayî bijî."

Nînja ji çanda Japonyayê tê. Di serdemên berê de nînja leşkerên bi pere, yan jî ajanbûn. Wan di casûsî, sabotaj, sûîkast û rewşên wisa de kar dikirin. Li ser nînjayan gelek fîlm hatine kişandin. Her wiha ji rewşa xwe ya berê wêdetir êdî bûye wekî cureyeke sporê jî.

 

Ev nûçe 183 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin