Nameyê raştikênî yê 100 herêman eşkera kerdî

Nameyê raştikênî yê 100 herêman eşkera kerdî

Cigêrayoxê licêyîjî Mordem Zelî nameyê 100 herêmanê ke ameybî vurnayene tirkî bi nameyanê ci yê orjînalan xerîta ser o qeyd kerdî û eserêko pîl nuşt.

A+A-

Cigêrayox Mordem Zel serranê 1990an de netîceya vêşnayîş û vengkerdişê dewan de qezaya Licê ya Amedî ra koçê Îstanbulî kerd û serra 2004î de zî agêra welatê xo. Mordem Zel nameyanê verênan ê herêmanê Kurdîstanî tesbît  keno û xerîta ser o qeyd keno. 

Zelî netîceya xebata 10 serran de nameyê 100 herêman qeyd kerdî. Zelî heta nika Çewlîg, Dêrsim, Amed, Mêrdîn, Colemêrg, Sêrt û Xarpêt de nameyê dewek, dew û qezayan qeyd kerdî. Zel nika zî xebatanê xo Erzîngan, Gumgum, Meletî, Riha, Sêwas, Erzirom, Qers û Agirî de dewam keno.  

Zelî derheqê xebatanê xo de qisey kerd û da zanayene ke heta nika 12ê hezarê ci ê dewan heta nika nameyê 28 hezar cayî hetê dewleta tirke ra vurîyayî û bîyî tirkî. Zelî îfade kerd ke o armanc keno ke neslanê bînan rê na babete de eserêk verdo.  

Zelî vat: ''Ganî cayêk bi nameyê roniştoxanê uca bêro pênasekerdene. Mîsal nameyê dewa ma Dereyo Derg o. Kurmancî de zî Newala Dirêj o. La no raşt nîyo. Çunke uca de kirdî (zazayî) ciwîyenê. Coka ganî ma tira vajê Dereyo Derg.  Nika ma qasê verî wayîrê îmkananê zêdêran ê. Coka ganî oyo raşt çî yo ma bimusnê. Eke nameyê cayêkî Argeh o ganî ma nê nameyî bimusnê domananê xo. Ganî ma israr bikerê ke nameyo raştikê Çarmik nê Çarmix o.'' 

 

Ev nûçe 154 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin