Serokê hikûmeta herêma Kurdistanê Mesrûr Barzanî serpereştiya civîna lijneya bilind a bicîhanîna yasaya çaksaziyê kir.

Di civînê de guftûgo derbarê pêngavên bicîhanîna yasaya çaksaziyê li mûçe û hebûn û bexşîn û îmtîyaz û malnişîn di wezaret û saziyên hikûmeta herêma Kurdistanê de hat kirin.

Serokê hikûmetê amaje bi wê yekê kir ku armanca çaksaziyê ava kirina dadperwerî û parastina mafên xelkê layîq e. Teqez jî kir ku çaksazî proseyekî berdewame û hemû sektoran digre navxwe û hikûmeta herêma Kurdistanê jî rijde li ser berdewam kirina çaksaziya koordine û darayî û nehiştina gendelî û îsraf kirina samanên giştî.

Di civînê de sekretere lijneya bilind a bicîhanîna yasaya çaksaziyê Ebdulhekîm Xisrew jî pêngavên bicîhanîna yasaya çaksaziyê aşkera kirin. Piştre wezîrên peyvendîdar li gor taybetmendî, raporta xwe ya derbarê birêveçûna bicîhanîna yasaya çaksaziyê, bi hejmar û zanyariyên pêwîst pêşkeş kirin, ku taybet bû derbarê mijarên peyvendîdar bi mûçe, îmtiyaz, malnişînî û rêxistin kirina hêzên Pêşmerge û nehiştina rutîn li fermangeh û saziyên hikûmetê de.

Piştî guftûgoyan û danûstana fikir, biryar hate dayîn hejmarek erkdariyên bên kirin bixin pêş civîna encûmena wezîran ku pêngavên bicîhanîna yasaya çaksazî bên temam kirin.