Navenda Nûçeyan

Endamên partîyên Komarî û Demokratîk ên di Kongreya Amerîkayê de ji ber êrîşên li ser rojhilatê Firatê pêşnûmayek li djiî Erdogan û wezîrên wî amade kirin ku çend sizayan curbicur lixwe digire.

Endamên Kongresa Amerîkayê Lindsey Graham û Chris Van Hollen pêşnûmaya ku li ser navê endamên herdu partîyan Komarî û Demokratîk ên Amerîkayê amade kirine li ser medyaya civakî belav kirin.

Ev pêşnûmaya hate amadekirin, cemidandina pereyên Erdogan û wezîrên berevanîyê, derve, aborî û û wezîrê enerjîyê yê Tirkîyê û herwiha rêgirtinali ber çûna wan a Amerîkayê lixwe digire.

Di pêşnûmayê de tê xwestin ku alîkarîyên leşkerî yên Amerîkayê ji Tirkîyê re bê rawestan û ceza li hemû alîyên ku parçeyên leşkerî, madî, manewî, teknîkî yan jî pere didin an difroşin Tirkîyê ferz dike.

Senatorê Komarîyan Lindsey Graham herwiha bi rêya twîtekê hişyarî da Tirkîyê û ragihand ku divê Tirkîye li bakurê Sûrîyê û Rojavayê Kurdistanê operasyonên leşkerî encam nede û dibêje, tu lampên kesk ji Tirkîyê re nehatine pêxistin ku wê operasyonê encam bide.

Graham dibêje, di nava Kongrêya Amerîka de jî yekdengîyek li dijî wê operasyonê heye û divê Tirkîye jî wê yekdengiyê weke xeteke sor bibîne û wê xeta sor derbas neke.