Li Wanê ji ber berf û bagerê rêya 28 tax û gundan hatîye girtin

Li Wanê ji ber berf û bagerê rêya 28 tax û gundan hatîye girtin

Li gorî daxuyanîya Şaredarîya Mezin a Wanê ji ber berf û bagerê li navçeya Gurpinarê 12, li Şaxê 15 û Miksê jî rêya taxek û gundan hatîye girtin.

A+A-

Navenda Nûçeyan- Li gorî daxuyanîya Şaredarîya Mezin a Wanê ji ber berf û bagerê li navçeya Gurpinarê 12, li Şaxê 15 û Miksê jî rêya taxek û gundan hatîye girtin.

Di daxuyanîyê da hatîye gotin ji bo ku rê bên vekirin tîman dest bi xebatê kirine.

Li gorî daxuyanîya Midûrîyeta Meteorolojîyê ya Herêma 14emîn, li herêmê bi giştî hewa wê ewrawî û car caran jî wê pir ewrayî be. Piştî evarê li Muş û derdorên Bidlîsê baran û li cîyên bilind jî berf wê bibare.

Li herêmê germahî wê li gor demsalê be û herwiha ba jî wê ji alîyê başûr û rojavayê va nerm, car caran jî wê nîveqewî rabe.

Tê texmînkirin nava rojê jî germahîya herî zêde li Wan û Mûşê 8, li Bidlîsê 6 û li Colemêrg/Hekarîyê jî 7 pile be.

Çavkanî: Bianet

Ev nûçe 69 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin