Li Tirkiye û Bakurê Kurdistanê firotina xaniyan %17 kêm bûye

Li Tirkiye û Bakurê Kurdistanê firotina xaniyan %17 kêm bûye

.

A+A-

Li Tirkiye û Bakurê Kurdistanê firotina xaniyan di meha Tebaxê ya 2021ê de li gor meha Tebaxê ya 2020ê %17 kêm bûne.

Saziya Amarên Tirkiye (TUIK), amarên firotina xaniyan ên meha Tebaxê eşkere kir. Li gor TUIKê li Tirkiye û Bakurê Kurdistanê di meha Tebaxê ya 2021ê de 141 hezar û 400 xanî hatine firotin. Sala par di meha Tebaxê de 170 hezar û 408 xanî hatibûn firotin. Firotina xaniyan li gor sala par %17 kêm bûn.

Xanî herî zêde li bajarê Tirkan hatine firotin û herî kêm jî li bajarê kurdan hatine firotin. Stenbol bi firotina 24 hezar û 286 xaniyan di rêze yekem de ye, Enqere bi firotina 13 hezar û 642 xaniyan di rêze duyem û Îzmîr bi 7 hezar û 731 xaniyan di rêza sêyem de ye.

Bajarên Bakurê Kurdistanê, Colemerg bi firotina 16 xaniyan di rêza dawî de û Erdexan jî bi firotina 28 xaniyan rêzekê di pêş wê de cî girt.

Herwiha firotina xaniyan di 8 mehên destpêkê yên sala 2021ê de li gor 8 mehên destpêkê yên sala 2020ê jî %21.7 kêm bûne.

Firotina hejmara xaniyan di meha Tebaxê ya sala 2021ê bo kesên biyanî ku ne welatiyê Tirkiyê ne %50.7 zêde bûne. Di meha Tebaxê de 5 hezar û 866 xanî bo kesên biyanî hatine firotin. Sala par di meha Tebaxê de 3 hezar û 983 xanî hatibûn firotin.

Kesên biyanî di meha Tebaxê de herî zêde xanî li Stenbolê kirîne, ku hejmara wan 2 hezar û 729 in.

Önceki ve Sonraki Haberler

HABERE YORUM KAT

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin