Dezgeha mafên mirovan a Hengawê ragihandiye, îro danê sibê li çiyayê Şaho li nêzîkî bajarokê Kamyaran li eyaleta Sine ya Rojhilatê Kurdistanê, şerekî giran di navbera pasdarên Îranê û çekdarên alîgirên PKKê de derketiye.

Li gorî agahiyan, di wî şerî de komek pasdar hatine kuştin û birîndar bûne lê nayê zanîn gelo ziyan gihîştiye çekdarên alîgirên PKKê yan na.

Heta niha ne PKK û ne jî pasdaran, tiştek li ser wî şerî negotine. Tê gotin ew çekdarên alîgirên PKKê jî endamên rêxistina bi navê YRK (Yekîneyên Rojhilatê Kurdistanê) ne.