Li Rojavayê Kurdistanê binpêkirinên li dijî rojnamevanan

Li Rojavayê Kurdistanê binpêkirinên li dijî rojnamevanan

.

A+A-

Ofîsa Çavdêrî û Belgekirina Binpêkirinan a Tora Rojnamevanên Kurd ên Sûriyê, di nûtirîn raporta xwe de, behsa binpêkirina li dijî rojnamevan û dezgehên ragihandinê, di sala 2022yan de, dike.

Li gor raportê çarenivîsa peyamnêrê Rûdawê Ferhad Hemo ji 9 salan ve ne diyar e. Ferhad Hemo 15.12.2014, ji aliyê çekdarên DIŞIê ve hatibû revandin.

Tora Rojnamevanên Kurd ên Sûriyê 10ê Adara 2012yan hate damezrandin. Destpêkê navê wê “Yekîtiya Rojnamevanên Kurdên Sûriyê” bû.

 Li gorî wê raportê, di sala 2022yan de, 36 binpêkirin li dijî rojnamevanan û dezgehên ragihandinê, li rojavayê Kurdistanê navçeyên Rêveberiya Xweser çêbûne.

Ji wan binpêkirinan:

- 3 rojnamevan hatine kuştin.

- 9 rojnamevan hatine girtin.

- 2 rojnamevan bi awayekî demkî hatine girtin.

- 3 caran karê rojnamevanan bi awayekî demkî hatiye rawestandin

- 6 bûyerên rêgirtina şopandina rojnamevanî.

- Girtina ofîsekek dezgeheke ragihandinê.

- 3 bûyerên lêdanê.

- 3 bûyerên revandinê.

- Birîndarbûna 3 rojnamevanan.

- Bûyereke tehdîdê.

- Bûyereke şikandina camên otomobîla rojnamevanekî.

- Bûyereke êrîşa li ser grûpên rojnamevanî.

 Her di raportê de jî hatiye, 5ê şibata 2022yan, Rêveberiya Xweser bi biryareke fermî, karê ofîsa Tora Medyayî ya Rûdawê li navçeyên xwe rawestand û erkên rojnamevanî ji hemû karmendên nivîsgeha Rûdawê stand.

Heman raport dibêje, di 3 salên bûrî de, 50 bûyerên destdanîna ser samanên rojnamevanan li Efrîn, Serê Kaniyê û GirêSpî ji aliyê hêzên Tirkiyê ve çêbûye.

Çavkanî: Rûdaw

Ev nûçe 65 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin