Li Merîwanê  4 çalakvanên Kurd hatin bibîranîn

Li Merîwanê 4 çalakvanên Kurd hatin bibîranîn

Li bajarê Merîwanê û çend bajarên din ên Rojhilatê Kurdistanê, merasima bîranîna 4 çalakvanên jîngehparêz ên Kurd hat lidarxistin, ku salek berî niha di dema vemirandina agirê li daristanan de canê xwe ji dest dabûn.

A+A-

Li bajarê Merîwanê û çend bajarên din ên Rojhilatê Kurdistanê, merasima bîranîna 4 çalakvanên jîngehparêz ên Kurd hat lidarxistin, ku salek berî niha di dema vemirandina agirê li daristanan de canê xwe ji dest dabûn.

 

Roja 25ê Tebaxa 2018an, li bajarê Merîwanê yê Rojhilatê Kurdistanê di dema vemirandina şewata daristanan de, 4 çalakvanên Kurd ên jîngehparêz ên bi navê Şerîf Bacwer, Omêd Kohnepoşî, Mihemed Pejûhî û Rehmet Hekîmîniya canê xwe ji dest dabûn.

 

Li Merîwanê bi sedan kes li ser gorên wan çalakvanên Kurd civiyan.

 

Herwiha li çend bajarên din ên Rojhilatê Kurdistanê jî, çalakvanên rêxistinên civaka sivîl û jîngehparêz bi çalakiyên cuda, ew her 4 çalakvanên Kurd bibîranîn.


 

Li bajarê Şinoyê yê ser bi parêzgeha Urmiyê jî merasimek ji bo bîranîna wan çalakvanan hat lidarxistin.


 

Rêveberê Komeleya Jînko li Şinoyê, Kerîm Elîzade derbarê lidarxistina merasimîn bîranînê yên ji bo 4 çalakvanên jîngehparêz ên Kurd de dibêje, lidarxistina wan çalakiyên bîranînê, nîşanderê wê yekê ye ku ew dê berdewam bin li ser rêbaza wan çalakvanan.

 

Kerîm Elîzade diyar kir, Şerîf Bacwer û hevalên wî di ber niştimanê xwe de canê xwe feda kirin û tekez kir, ew û hemû çalakvanên din ên Kurd ên jîngehparêz rijd in ku li ser rêbaza wan çalakvanan berdewam bin.

 

Komeleya Mafê Mirovan a Kurdistanê, sala bihorî di daxuyaniyeke derbarê bûyerê de, hikûmeta Îranê weke berpirsyarê bûyerê  dabû nîşandan.

 

Ev nûçe 0 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin