Navenda Nûçeyan- Li gorî medyaya HSDê, di wî şerî de 8 çekdarên ser bi Tirkîyê ve hatine kuştin.

Li gor zanyarîyan, Artêşa Tikrîyê û grûpên çekdar roja Yekşemê êrîşê ser gundên Qizelî û Korîkê yên ser bi baajrê Girê Spî ve kirin, lê şervanên Hêzên Sûrîyeya Demokratîk bersiv dane û êrîşa çekdaran têkşikandine.

Medyayên HSDê herwiha dîyar kirîye, di encama wî şerî de 8 çekdarên ser bi Tikrîyê ve hatine kuştin û 6 jî birîndar bûne.

Di nav kuştîyan de 2 berpirsên grûpa çekdar a Sultan Murad jî hene ku Tirkîye piştevanîya wê dike.

Girê Spî û Serê Kanîyê du bajarên Rojavayê Kurdistanê ne ku di encama êrîşa Tirkîyê bo ser Rojava de ketine jêr kontrola wî welat..

Artêşa Tirkîyê ji roja 9ê Cotmehê ve dest bi êrîşeke berfireh bo ser Rojavayê Kurdistanê kirîye ku heta niha jî didome.

Çavkanî: Rûdaw