Li Efrînê 5 welatî hatin revandin

Li Efrînê 5 welatî hatin revandin

Artêşa Tirkiyê û grûpên çekdar ên bi ser wê ve li Efrînê 5 welatî revandin û dest bi kolandina girekî şûnwarî kirin.

A+A-

Artêşa Tirkiyê û grûpên çekdar ên bi ser wê ve li Efrînê 5 welatî revandin û dest bi kolandina girekî şûnwarî kirin.

Rêxistina Mafên Mirovan li Efrînê di raportekê de belav kir, duhî grûpên çekdar û leşkerên artêşa Tirkiyê bi ser gundê Qota yê navçeya Bilbilê de girt û li Muxtarê gund dan û 5 welatî revandin.

Wê rêxistinê navê kesên revandî diyar kirin ku, Ebdo Ebdo, Şerîf Ehmed Şêxo, Beşîr Sîdo, Ebdilqadir Remzî Sîdo û mamosteya dibistana gund Narîman Hacî Mihemed in.

Amaje bi wê jî kir, piştî çend demjimêran Mamoste Narîman Hacî Ebdo û Ebdo Ebdo hatin berdan, lê çarenivîsa 3 kesên din ne diyar e.

Da zanîn jî, roja 17ê vê mehê li bajarê Efrînê grûpeke nenas welatiyê bi navê Kawa Omer revand û ta niha çarenivîsa wî ne diyar e.

Li gundê Basûtê jî, grûpeke çekdar roja 19ê vê mehê keça bi navê Zêneb Ehmed Betal li rêbenda gund revand û çarenisîva wê jî ne diyar e.

Rêxistina Mafên Mirovan li Efrînê diyar kir jî, duhî hêzên Tirkî li navçeya Şiyê grûpên çekdar ji derdora girê Cirnasê yê şûnwarî dûr xistin û alavên kolandinê yên mezin û barhilgirek anîn û dest bi kolandina wî girî kirin.

Ev nûçe 89 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin