Li Colemêrgê qedexeya çalakiyan hat ragihandin

Li Colemêrgê qedexeya çalakiyan hat ragihandin

 Li parêzgeha Colemergê ya Bakurê Kurdistanê bi biryara walî qedexeya hemû core çalakiyan hat ragihandin.

A+A-

Parêzgariya Colemêrgê di daxuyaniyekê de ragihand, ku çalakiyên weke xwepêşandan, civîn, mitîng û hemû core çalakiyên din li sînorê vê parêzgehê ji bo dema 15 rojan hatine qedexekirin.

Li gor daxuyaniya parêzgariya Colemêrgê , ji ber zêdebûna hêjmara tûşbûyên Coronayê û weke tedbîrên rêgirtin li belavbûna zêdetir ya Coronayê û parastina tendirustiya civakî, wan biryara qedexeya çalakiyan daye.

Parêzgarê Colemêrgê diyar kiriye, ji îro 18ê Îlonê ve ew qedexe destpê kiriye û dê heya 2ê Cotmehê berdewam be.

Ew demeke zêde ye ku hikûmeta Tirkiyê li çend parêzgehên Bakurê Kurdistanê li ser hev û bê navber qedexeya çalakiyan radigihîne.

Li Colemêrgê di 3ê vê mehê (Îlonê) de jî qedexeya çalakiyan bo dema 15 rojan hatibû ragihandin.

Ev nûçe 157 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin