Li Çewligê cerdevan “ciwanên stranên bi Kurdî guhdar kirine” derb kirin

Li Çewligê cerdevan “ciwanên stranên bi Kurdî guhdar kirine” derb kirin

Li navçeye Bongilana (Solhan) Çewliga Bakurê Kurdistanê cerdevanan bi hinceta “ciwan stranên bi Kurdî guhdar kirine” derb kirin.

A+A-

Li gor agahîyan ciwanên bi navê Mahsum Kaya, Necmettîn Evranas, Furkan Kiliç û Yusuf Genç dema diçin Girava Qiral bi hinceta di erebeya xwe de stranên bi Kurdî guhdar kirine hatine derb kirin.

Li gor zanînan bûyer roja 31.07.2020an saet di 17.00an de qewimîye. Ciwanên ku stranên bi Kurdî guhdar kirine ji alîyê 2 leşker û 5 cerdevanan ve pêşî rastî tacîza devkî bûne paşê hatine derb kirin.

Piştî malbat hatine cîyê bûyerê alozî mezintir bûye.

Di vê alozîyê de apê Furkan Kiliç ciwanê hatîye derb kirin, Ebdullah Kiliç ji alîyê cerdevanan ve ji pîyê xwe birîndar bû û ew rakirin nexweşxaneyê.

Piştî bûyerê her çar ciwan û Kiliç çûne qereqolê û îfade dane.

Hêjayî gotinê ye mehên borî jî li paytexta Tirkîyê Enqereyê ciwanê bi navê Bariş Çakan bi hinceta styanên bi Kurdî guhdar kirîye hatibû kuştin

 

 

 

Ev nûçe 176 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin