KURDÊN SWÊDÊ ÎRO AHMED KAKEMEMÎ BI MERASIMEK SPARTIN AXÊ

KURDÊN SWÊDÊ ÎRO AHMED KAKEMEMÎ BI MERASIMEK SPARTIN AXÊ

.

A+A-

Dilsozê netewa xwe, pêşmerge, ronakbîr û dîroknas Ahmed Kakememî îro bi merasîmek sade li Solnaya Stockholmê bi beşdarîya malbat, hejmarek nûnerên Hukumeta herêma Kurdistan, nûnerên partiyên siyasî yê her çar perçê Kurdistanê, Hevkarîya Hêzên Kurdistanî li Swêdê, Federasyona Komelên Kurdistanê li Swêdê, komele û saziyên Kurd û Kurdistanî spartin axê.

Piştî merasîma goristanê, Komîteya Swêdê Ya Partîya demokratîk a Kurdistana Îranê civîneke li ser kar û xebat û kesayetiya Ahmed Kakememî li dar xist. Di civînê de li ser jiyana wî, kar û xebata wî, kesayetîya wî axaftin kirin. Hejmarek nûnerên partî û dezgehên Kurdistanî peyamên xwe ragihandin.

Ahmed Kakememî 1944an li Mahabadê ji dayik bûye. Di xortaniya xwe de tevî tevgera siyasî ya Kurdistanî bûye. Bi salan him wek kadir û him wek pêşmerge li Kurdistanê kar û xebat kiriye. Sala 1988an koçê Swêdê dike. Di nav civata Kurdên Swêdê de sîmayek çalak, rewşenbîr, harmonîk, bawermend dihat nasîn. Roja 15ê tebaxê xatirê xwe yê dawîn ji vê dinyayê xwest.

Bi serokatîya Seroka Meclîsa Piştgirên PAKê li  Ewropayê Seval Mert, heyeteke PAK Swêdê beşdarî merasîma xatirxwestinê bû.

 

img-20210829-wa0005-007.jpgimg-20210829-wa0001-005.jpgimg-20210829-wa0004-005.jpgimg-20210829-wa0003-002.jpg

Önceki ve Sonraki Haberler

HABERE YORUM KAT

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin